Eks-depýtattan zorlyq kórdim dep janaiqaiyn jetkizgen 19 jastaǵy Elena Ivanova ádilettik izdep, Astanaǵa keldi. Ol 53 jastaǵy aiyptalýshy Erjan Ysqaqovtyń jazalanýyn talap etýde, dep habarlaidy NUR.KZ.
ShQO-dan Astanaǵa jetý úshin Elena birneshe ret baǵyt aýystyrǵanyn aitýda. Ol jolai eks-depýtattyń qolyna túsip qalýdan qoryqqanyn alǵa tartty.
Sondai-aq, boijetken qoqan-loqqyǵa tap bolǵanyn, al bilik kómektespei jatqanyn aityp, shaǵymdandy. Elena aiaýsyz zorlanǵanyn dáleldep, burynǵy depýtatty jazalaýǵa nietti.
"ShQO-da isti jaýyp tastady. Ol maǵan telefonnan qoqan-loqqy kórsetip, qumyrsqasha taptai salatynyn aitty", - dep kózine jas aldy Elena.
Boijetken, tipti IID qyzmetkeri ony qorqytpaq bolǵanyn aitýda.
"Meni suraqtyń astyna alǵan Óskemen IID-niń qyzmetkeri "shyndyqty aitpasań, seni ózim zorlap tastaimyn" dep qorqytty", - deidi Elena.
Eske salsaq, boijetken buǵan deiin eks-depýtat ony zorlap tastaǵanyn jalpaq jurtqa jariia etken bolatyn.
