Aqtóbede 600-ge jýyq meditsina qyzmetkeri ekpe qabyldady. №2 Aqtóbe qalalyq emhanasy bas dárigeriniń orynbasary Marina Esetova qazir ózin jaqsy sezinetinin aityp, ózgerlerdi de immýndaý jumystaryna qatysýǵa shaqyrdy, dep habarlaidy QazAqparat.
«Aldymen ýchaskelik dáriger qarap, densaýlyǵymdy tekserdi. Ruqsat qujatqa qol qoiǵan soń alǵashqylardyń biri bolyp vaktsina qabyldadym. Alǵashqy 30 minýtta eshqandai ózgeristi baiqamadym. Shyn máninde, adam qobaljidy. Ónim jańa, endi ǵana qoldanysqa endi. Degenmen keri áserin baiqamadym. Alǵashqy úsh kúnde aýyrsyný, dene qyzýynyń kóterilýi sezilmedi», - dedi Marina Esetova.
Dáriger emhanada ózi sekildi 100-den astam meditsina qyzmetkeriniń ekpe qabyldaǵanyn, olardyń da densaýlyǵy jaqsy ekenin aitty.
«Vaktsinatsiia – durys sheshim. Koronavirýs infektsiiasy aǵzany álsiretip, adamnyń kóptegen dene múshesin zaqymdaidy. Sozylmady aýrýlar asqynady. Osy tusyn eskerip, aýyrmaýdyń jolyń taǵdaǵanymyz jón. Turǵyndardyń 85-90 ekpe qabyldasa, immýnitetimiz myqty bolady. Men turǵyndardy ekpe qabyldaýǵa shaqyramyn. Ózim keri áserin sezbedim.Aqtóbe qalasyndaǵy №2 emhanada 130 meditsina qyzmetkeri vaktsina qabyldady. Báriniń densaýlyǵy jaqsy», - dedi 2 Aqtóbe qalalyq emhanasy bas dárigeriniń orynbasary Marina Esetova.
