Búgin elordada Aida Balaeva QR Aqparat jáne qoǵamdyq damý ministrligi, ál-Farabi atyndaǵy Qazaq ulttyq ýniversiteti jáne QR Ekologiia, geologiia jáne tabiǵi resýrstar ministrligi arasyndaǵy Ózara túsinistik pen yntymaqtastyq týraly memorandýmǵa qol qoidy, dep habarlaidy "Ult aqparat" vedomstvonyń saityna silteme jasap.
Memorandýmnyń maqsaty - ekologiia salasynda mamandanǵan salalyq jýrnalisterdi daiarlaý. Qujat taraptardyń ekojýrnalisterdi daiarlaý máselesinde yntymaqtastyǵyn kózdeidi. Taraptardyń árqaisysy óz quzyreti sheńberinde bolashaq jýrnalisterdiń kásibiligin arttyrýǵa jaǵdai jasaýǵa nietti.
Bul rette ekologiia máseleleri qoǵamda óte ózekti jáne keńinen jariia etilýde ekendigin atap ótken jón. Tiisinshe osy salada tiimdi aqparattyq túsindirme jumystaryn júrgizýdi qajet etedi.
Memorandým aiasynda birqatar naqty is-sharalar ótkizilmek, onyń ishinde bilim berý baǵdarlamalary jetildiriledi, stýdentterdiń kásibi praktikalary men taǵylymdamalary uiymdastyrylady, salalyq jýrnalister pýly qurylady.
Nátijesinde media naryqty ekologiia salasynda material izdeýge jáne maqala daiyndaýǵa mamandanǵan bilikti jýrnalistermen qamtamasyz etý josparlanyp otyr.
Eske salsaq, qazirgi ýaqytta ministrlik salalyq jýrnalisterdi daiarlaý boiynsha jumys júrgizýde. Budan buryn meditsina jáne din salalarynda mamandanǵan jýrnalisterdi daiarlaý úshin L. Gýmilev atyndaǵy EUÝ-men ózara túsinistik pen yntymaqtastyq týraly 2 memorandýmǵa qol qoiylǵan bolatyn.
