بٷگٸن ەلوردادا ايدا بالاەۆا قر اقپارات جەنە قوعامدىق دامۋ مينيسترلٸگٸ, ەل-فارابي اتىنداعى قازاق ۇلتتىق ۋنيۆەرسيتەتٸ جەنە قر ەكولوگييا, گەولوگييا جەنە تابيعي رەسۋرستار مينيسترلٸگٸ اراسىنداعى ٶزارا تٷسٸنٸستٸك پەن ىنتىماقتاستىق تۋرالى مەموراندۋمعا قول قويدى, دەپ حابارلايدى "ۇلت اقپارات" ۆەدومستۆونىڭ سايتىنا سٸلتەمە جاساپ.
مەموراندۋمنىڭ ماقساتى - ەكولوگييا سالاسىندا ماماندانعان سالالىق جۋرناليستەردٸ دايارلاۋ. قۇجات تاراپتاردىڭ ەكوجۋرناليستەردٸ دايارلاۋ مەسەلەسٸندە ىنتىماقتاستىعىن كٶزدەيدٸ. تاراپتاردىڭ ەرقايسىسى ٶز قۇزىرەتٸ شەڭبەرٸندە بولاشاق جۋرناليستەردٸڭ كەسٸبيلٸگٸن ارتتىرۋعا جاعداي جاساۋعا نيەتتٸ.
بۇل رەتتە ەكولوگييا مەسەلەلەرٸ قوعامدا ٶتە ٶزەكتٸ جەنە كەڭٸنەن جارييا ەتٸلۋدە ەكەندٸگٸن اتاپ ٶتكەن جٶن. تيٸسٸنشە وسى سالادا تيٸمدٸ اقپاراتتىق تٷسٸندٸرمە جۇمىستارىن جٷرگٸزۋدٸ قاجەت ەتەدٸ.
مەموراندۋم اياسىندا بٸرقاتار ناقتى ٸس-شارالار ٶتكٸزٸلمەك, ونىڭ ٸشٸندە بٸلٸم بەرۋ باعدارلامالارى جەتٸلدٸرٸلەدٸ, ستۋدەنتتەردٸڭ كەسٸبي پراكتيكالارى مەن تاعىلىمدامالارى ۇيىمداستىرىلادى, سالالىق جۋرناليستەر پۋلى قۇرىلادى.
نەتيجەسٸندە مەديا نارىقتى ەكولوگييا سالاسىندا ماتەريال ٸزدەۋگە جەنە ماقالا دايىنداۋعا ماماندانعان بٸلٸكتٸ جۋرناليستەرمەن قامتاماسىز ەتۋ جوسپارلانىپ وتىر.
ەسكە سالساق, قازٸرگٸ ۋاقىتتا مينيسترلٸك سالالىق جۋرناليستەردٸ دايارلاۋ بويىنشا جۇمىس جٷرگٸزۋدە. بۇدان بۇرىن مەديتسينا جەنە دٸن سالالارىندا ماماندانعان جۋرناليستەردٸ دايارلاۋ ٷشٸن ل. گۋميلەۆ اتىنداعى ەۇۋ-مەن ٶزارا تٷسٸنٸستٸك پەن ىنتىماقتاستىق تۋرالى 2 مەموراندۋمعا قول قويىلعان بولاتىن.
