Ekonomikanyń ósimin qaita qalpyna keltirý jónindegi keshendi jospar ázirlenip jatyr.
Bul týraly Tótenshe jaǵdai rejimin qamtamasyz etý jónindegi memlekettik komissiianyń qorytyndy otyrysynda Memleket basshysy Qasym-Jomart Toqaev aitty, dep habarlaidy "Ult aqparat".
«Azamattardy qoldaý men biznesti damytýǵa arnalǵan osy jáne basqa da sharalardy júzege asyrý úshin Ekonomikalyq ósimdi qaita qalpyna keltirý jónindegi keshendi jospar ázirlenip jatyr. Bul jospar jýyq arada bekitiledi. Memlekettik organdar ony júzege asyrýdyń barlyq joldaryn muqiiat pysyqtaýy qajet. Sondai-aq, olar ózderiniń orynsyz áreketteri arqyly bul sharalardyń mańyzdylyǵyn joqqa shyǵarýǵa jol bermeýi kerek. Daǵdarystyń kúrdeli kezeńin qalai eńseretinimiz, elimizdi jáne ekonomikany odan ári damýǵa qalai beiimdeitinimiz osyǵan bailanysty. Biz daǵdarys saldarynan álemdegi ahýaldyń jáne ulttyq ekonomikanyń túbegeili ózgergenin anyq kórip otyrmyz», - dedi QR Prezidenti.
Memleket basshysy qazirgi ahýal men faktorlar, aldaǵy ózgerister 2025 jylǵa deiingi strategiialyq damý josparynyń jańa nusqasynda eskerilýge tiis ekendigin basa aitty.
«Josparda ekonomikany jáne memleketti basqarý isin barynsha jandandyratyn institýtsionaldyq jáne qurylymdyq reformalar qamtylýy qajet»,- dedi Qasym-Jomart Toqaev.
