- Ekonomikanyń birtindep qalpyna kelý úrdisi baiqalýda. Búgin Almatydaǵy brifing barysynda QR Ulttyq bankiniń basshysy Daniiar Aqyshev osylai dedi.
«Ekonomikany birtindep qalpyna keltirý úrdisi jalǵasyp keledi. Bazalyq salalardy damytý úrdisterin sipattaityn qysqamerzimdi ekonomikalyq indikator 2016 jylǵy qarashada 2,7%-ǵa ósti. Bul rette, 2016 jyldyń 11 aiynda jinaqtalǵan qorytyndy men atalǵan kórsetkishtiń ósýi jyldyq qorytyndy boiynsha 0,5%-dy qurady. Bul jyldyń basynan baiqalǵan quldyraý aimaǵynan shyǵyp kele jatqanymyzdy rastaidy», - dedi ol.
Sondai-aq Aqyshev naryqta shamadan tys teńge ótimdiligi saqtalyp otyrǵanyn aitty.
«Daǵdarys qubylystarynyń týyndaýynyń aldyn alý úshin, sondai-aq infliatsiialyq qysymnyń kúsheiýin boldyrmaý úshin Ulttyq bank qysqamerzimdi nottardy shyǵaryp otyrady. 7 jáne 28 kúndik nottardan basqa, Ulttyq bank odan da uzyn nottardy shyǵaryp otyrady. 9 jeltoqsanda bir jyldyq nottardy ornalastyrý boiynsha úshinshi aýktsion ótkizildi. Baiqaǵanymyzdai, olarǵa suranys usynystan 3 ese artyq boldy», - dep naqtylady Ulttyq bank basshysy.
Budan basqa, Aqyshev jeltoqsanda Ulttyq bank qaitalama naryqta Qarjy ministrliginiń ainalys merzimi 2-den bastap 5 jylǵa deiin bolatyn memlekettik baǵaly qaǵazdardyń buryn málimdelgen kólemin satýdy aiaqtaǵanyn jetkizdi.
«Bul qalyptasyp kele jatqan aýytqý kirisin uzartýǵa jáne onyń ortamerzimdi sektoryn qalyptastyrýǵa múmkindik berdi. Qarjy ministrliginiń 5 jyldyq qazynashylyq obligatsiialaryn ornalastyrý boiynsha 2016 jylǵy 20 jeltoqsanda ótken sońǵy aýktsionnyń kiristiligi 9,3% boldy» - dep habarlady.
Nátijesinde, jeltoqsannyń sońynda aqsha naryǵynda Ulttyq banktiń ótimdilikti alý kólemi 1964,0 mlrd. teńge boldy. QR UB-nyń ashyq pozitsiialarynyń kólemi tikelei REPO operatsiialary boiynsha 35,05 mlrd. teńge, keri REPO operatsiialary boiynsha 389,39 mlrd. teńge, Ulttyq banktegi bank depozitteri boiynsha 323,46 mlrd. teńge boldy. Ainalystaǵy qysqamerzimdi nottar 2 518,7 mlrd. teńgege jetti.
.jpeg)