Ulttyq ekonomika ministri Timýr Súleimenov teńgeniń álsireýine bailanysty pikir bildirdi, dep habarlaidy QazAqparat tilshisi.
«Biz Reseige salynǵan sanktsiialarǵa bizge yqpaly qanshalyqty ekenin bilip otyrý úshin makroekonomikalyq taldaý jumystaryn júrgizdik. Birneshe áser etý arnalaryn: álbette, investitsiialyq, saýda jáne baǵamdyq yqpalyn qarastyrdyq. Eń bastysy - túpki yqpal baǵamdyq, iaǵni dollardyń rýblge, keiin rýbldiń teńgege yqpaly arqyly kórineri anyq. Barlyq makroekonomikalyq, salalyq esepter de qolymyzda bar. Tipti bul jaǵdaidyń jekelegen kásiporyndarǵa qalai áser etetini týraly aqparat qolymyzda», - deidi Tiýmr Súleimenov OKQ-da ótken baspasóz máslihatynda.
Ministrdiń aitýyna qaraǵanda, ulttyq valiýta baǵamyna qatysty jaǵymsyz boljamdar aiqyn baiqala bastaǵan jaǵdaida iske asyratyn jaýapty vedomstvolarmen birlesken áreketter jospary jasalǵan.
«Bul josparly is-áreketterdiń aýqymy úlken. Qupiia bólikteri bar bolǵandyqtan, men ol týraly aita almaimyn. Qujat bar. Sonymen qatar, Ekonomikalyq saiasat boiynsha keńeste kelesi aptanyń seisenbi nemese sársenbi kúnderi Úkimet basshysynyń tóreǵalyǵymen bul másele jiti talqylanatyn bolady», - deidi ol.
Sonymen qatar, Ulttyq ekonomika ministri teńgeniń álsireýine bailanysty pikir bildirdi.
«Teńgeniń álsiregenin kórip otyrmyz. Bizdiń makroekonomikalyq modelmen eseptegende baǵa mundai bolmaýy kerek (...) Bul psihologiialyq, saiasi sanktsiialy jáne boljamdy jaǵdaiǵa bailanysty naryqtyń júikelik áseri turǵysyndaǵy másele. Anyǵyn aitqanda, bizdiń model boiynsha teńgeniń baǵamy mundai bolmaýy kerek edi. Teńge baǵamyna yqpal álbette bar. Korreliatsiia 100 paiyz bolmasa da, jetkilikti dárejede joǵary. Sondyqtan, infliatsiianyń mólsheri jyldyń sońyna deiin biz qalaǵan dálizden sál joǵary bolady. Iaǵni, bizde dáliz - 5-7 paiyz. Qazirgi tańda 8 aidyń qorytyndysy boiynsha inflatsiianyń deńgeii - týra 6 paiyz bolyp otyr. Demek, biz dálizdiń týra ortasynda kelemiz. Jyldy shamamen 6 paiyzben aiaqtaýdy josparlaǵan edik. Biraq, teńgeniń álsireýine bailanysty bul kórsetkish - 6,7-6,8 paiyz mólsherinde bolady dep otyrmyz. Biraq, 5-7 paiyzdyq dálizden biz shyqpaimyz», - deidi Timýr Súleimenov.
«Salalardyń ósimi boiynsha teńgeniń qazirgi baǵamy 3,8 paiyzdyq ósimdi belgilegen 2018 jylǵy bizdiń maqsatqa qaýip tóndirmeidi. Sondyqtan, JIÓ-degi qandaida bir ózgerister bolmaidy degen oidamyz», - dep túidi ministr.
