Ulttyq ekonomika ministri Áset Erǵaliev azyq-túlik taýarlary baǵasyn turaqtandyrý qadamdary týraly aitty, dep habarlaidy "Ult aqparat".
«Memleket tarapynan ekonomikanyń naqty sektoryna keshendi qoldaý kórsetilip otyr. Olar importty almastyrý, ekonomikanyń óz-ózine jetkiliktigin arttyrý jobalaryn qoldaýǵa ie. Osy investitsiialyq jobalar elimizde bazalyq azyq-túlik ónimderdi óndirýge múmkindik beredi. Aýyl sharýashylyǵy ministrliginde osy baǵytta naqty jospar, investitsiialyq jobalar bar. 2024 jylǵa deiin Qazaqstan ekonomikasy men halqymyzdy bazalyq azyq-túlikpen 100 paiyz qamtamasyz etý maqsaty tur», - dedi Á. Erǵaliev Ortalyq kommýnikatsiialar qyzmetinde.
Onyń aitýynsha, bul salada insfraqurylymnyń tiimdiligine kóp jaǵdai bailanysty bolady.
«Sondyqtan Saýda ministrligindegi áriptesterimiz ulttyq taýar ótkizý júiesin qalyptastyrý boiynsha jumys júrgizip jatyr. Osy jumys aiasynda 24 kóterme-taratý ortalyqtalyǵyn salý iske asyrylyp otyr. Olar taýardy jetkizý men saqtaýdyń zamanaýi logistikalyq jelisin qurýǵa negizdelgen. Bul qadamdar taýardy ótkizýde deldaldardy boldyrmaýǵa arnalǵan. Osyndai sheshimder ónim sapasyna, baǵasyna áser etip, halyqqa azyq-túlik taýarlarynyń qoljetimdigin arttyrady», - dedi ministr.
