ۇلتتىق ەكونوميكا مينيسترٸ ەسەت ەرعاليەۆ ازىق-تٷلٸك تاۋارلارى باعاسىن تۇراقتاندىرۋ قادامدارى تۋرالى ايتتى, دەپ حابارلايدى "ۇلت اقپارات".
«مەملەكەت تاراپىنان ەكونوميكانىڭ ناقتى سەكتورىنا كەشەندٸ قولداۋ كٶرسەتٸلٸپ وتىر. ولار يمپورتتى الماستىرۋ, ەكونوميكانىڭ ٶز-ٶزٸنە جەتكٸلٸكتٸگٸن ارتتىرۋ جوبالارىن قولداۋعا يە. وسى ينۆەستيتسييالىق جوبالار ەلٸمٸزدە بازالىق ازىق-تٷلٸك ٶنٸمدەردٸ ٶندٸرۋگە مٷمكٸندٸك بەرەدٸ. اۋىل شارۋاشىلىعى مينيسترلٸگٸندە وسى باعىتتا ناقتى جوسپار, ينۆەستيتسييالىق جوبالار بار. 2024 جىلعا دەيٸن قازاقستان ەكونوميكاسى مەن حالقىمىزدى بازالىق ازىق-تٷلٸكپەن 100 پايىز قامتاماسىز ەتۋ ماقساتى تۇر», - دەدٸ ە. ەرعاليەۆ ورتالىق كوممۋنيكاتسييالار قىزمەتٸندە.
ونىڭ ايتۋىنشا, بۇل سالادا ينسفراقۇرىلىمنىڭ تيٸمدٸلٸگٸنە كٶپ جاعداي بايلانىستى بولادى.
«سوندىقتان ساۋدا مينيسترلٸگٸندەگٸ ەرٸپتەستەرٸمٸز ۇلتتىق تاۋار ٶتكٸزۋ جٷيەسٸن قالىپتاستىرۋ بويىنشا جۇمىس جٷرگٸزٸپ جاتىر. وسى جۇمىس اياسىندا 24 كٶتەرمە-تاراتۋ ورتالىقتالىعىن سالۋ ٸسكە اسىرىلىپ وتىر. ولار تاۋاردى جەتكٸزۋ مەن ساقتاۋدىڭ زاماناۋي لوگيستيكالىق جەلٸسٸن قۇرۋعا نەگٸزدەلگەن. بۇل قادامدار تاۋاردى ٶتكٸزۋدە دەلدالداردى بولدىرماۋعا ارنالعان. وسىنداي شەشٸمدەر ٶنٸم ساپاسىنا, باعاسىنا ەسەر ەتٸپ, حالىققا ازىق-تٷلٸك تاۋارلارىنىڭ قولجەتٸمدٸگٸن ارتتىرادى», - دەدٸ مينيستر.
