Ulttyq ekonomika ministri Álibek Qýantyrov qazaqstandyqtarǵa qolda bar aqshasyn teńge depozitterinde saqtaýǵa keńes berdi, dep habarlaidy QazAqparat.
«Ekonomikaǵa jaýapty ministr retinde aityńyzshy, Qazaqstandyqtar osyndai qubylmaly kezeńde qoldaǵy aqshasyn infliatsiiadan qalai saqtandyrýy kerek?», - dep surady BAQ ókili ortalyq kommýnikatsiialar qyzmetinde ótken brifingte.
«Artyq aqsha kóp bolsa, árine, brokerler arqyly sheteldegi jyljymaityn múlikke investitsiialaýǵa bolatyn edi. Biraq, qazaqstandyqtar úshin eń qarapaiym tásil aqshany teńgedegi depozitterde saqtaý shyǵar. Óitkeni bul - eń qarapaiym jol. Onyń merzimdik jáne merzimdik emes depozitteri bar. Óziń ol aqshany dál qazir paidalanbaityn bolsań, osylai ainaldyrýǵa bolady. Nege teńgemen saqtaý kerek degenge kelsek, óitkeni mólsherlemesi dollarǵa qaraǵanda áldeqaida joǵary. Dollardyń qymbattaitynyna senip otyryp ta aqshany joǵaltýǵa bolady. Bizde dollardaǵy depozitterge 1 paiyz kóleminde ǵana jyldyq mólsherleme belgilengen. Sondyqtan teńgedegi depozitte saqtaýdy eń bir qarapaiym jol retinde aityp otyrmyn», - dedi ministr.
Sondai-aq, ol brokerler qyzmetine júgingender bolsa, aqshany ártaraptandyryp investitsiialaý mańyzdy ekenin eskertti.
«Bizde qarjylyq quraldar barshylyq. Artyq aqshasy bar adam qarjy naryǵynan habary az, qarapaiym jan bolsa, senimdi brokerler arqyly aktivterin ártaraptandyryp saqtaý kerek dep oilaimyn», - dedi ÁlibekQýantyrov.
