Foto: primeminister.kz
Qarjy ministri Erulan Jamaýbaev senat kýlýarynda issaparlarǵa jii shyqpaitynyn, degenmen óńirlerge barý qajet bolsa shyǵyn vedomstvonyń biýdjetinen óteletinin aitty, dep jazady KAZ.NUR.KZ.
Jamaýbaevtyń sózinshe, árbir memlekettik organda issapar shyǵyndary qarastyrylǵan.
"Birden aitaiyn, men jii ushpaimyn. Biraq qazir bizde Memleket basshysynyń árbir ministr óńirlerge shyǵyp, turǵyndarmen kezdesýi kerek degen tapsyrmasy bar. Biz negizinen "ekonom-klasty" paidalanamyz. Biraq men issaparǵa jii shyqpaimyn. Jyl basynda Túrkistan oblysy men Almaty oblysyna "ekonom-klaspen" ushyp bardym. Naqty somasy esimde joq, bizdiń biýdjet zańǵa sáikes jasalady", - dedi ministr.
Onyń sózinshe, biýdjette "Issapar shyǵyndary" degen arnaiy bap qarastyrylǵan.
"Bul shyǵyndar árbir memlekettik organda ártúrli... Óitkeni bári osy memlekettik organda qansha adam jumys isteitinine jáne olardyń fýnktsionaly issapar protsesine qanshalyqty bailanysty ekenine táýeldi.
Ushýlarǵa keletin bolsaq, munda birneshe optsiiaǵa bólý qajet. Eger bul ushýlar jumysqa, issapar protsesine bailanysty bolsa, zań boiynsha barlyq memlekettik qyzmetkerge ushaqpen ushýǵa ruqsat etilmeidi, biraq saiasi qyzmetkerlerge ruqsat etilgenin naqty bilemin. Biraq tek "ekonom-klass" aqysy óteledi", - dedi Qarjy ministri.
Degenmen Jamaýbaevtyń aitýynsha, jeke saparlarǵa eshqandai shekteýler joq - Qazaqstannyń kez kelgen azamaty kóliktiń kez kelgen túrin paidalanýǵa quqyly.
