Foto: Tengrinews.kz/ Álihan Sáriev
Ekologiia jáne tabiǵi resýrstar ministri Erlan Nysanbaev avto kólikti bes minýttan artyq qyzdyrýǵa salynǵan aiyppul týraly pikirin bildirdi, dep habarlaidy Ult.kz.
Ministr Úkimette ótken baspasóz konferentsiiasynda ekologiialyq turǵydan engizilgen erejeni qoldaitynyn aitty.
"Soltústik aimaqtarǵa qatysty aitqanda, kólikti uzaq ýaqyt qyzdyratyndar úshin bes minýt jetkilikti ekenin bilemiz, kólik qyzǵannan keiin qozǵalysqa túsýge bolady. Bul kez kelgen soltústik aimaqqa qatysty. Sondyqtan, otyn únemdeý turǵysynan kóp adamdar bul máseleni qoldaidy. Ekologiia turǵysynan da biz mundai tásildi tolyqtai qoldaimyz", - dedi Erlan Nysanbaev.
Tilshi kólikti aiazdy kúnderde qyzdyrýǵa 5 minýt jetkiliksiz jáne bul sheshimmen elordalyq kóptegen júrgizúshiler kelispeitinin jetkizdi. Buǵan Ekologiia jáne tabiǵi resýrstar ministri:
"Men búgin mindetti túrde kóligimdi túnde dalada qaldyramyn — tańerteń kórip, óz tájiribemdi jasap, nátijesin sizderge aitamyn",- deidi.
Aita keteiik, elimizde kólikti turǵyn úi mańynda 5 minýttan artyq qyzdyrǵan júrgizýshilerge aiyppul salynatyny týraly habar úlken rezonans týdyrǵan edi. Buǵan kóptegen júrgizýshiler kelispegen. Pavlodar jáne Óskemen oblysynda dál osy normaǵa sáikes júrgizýshiler 5 AEK kóleminde aiyppul arqalaǵan.
