Qazaqstan Ekologiia, geologiia jáne tabiǵi resýrstar ministri Maǵzum Myrzaǵaliev bilikti Nur-Sultan qalasynyń ortalyq parkindegi kóne terekke airyqsha mártebe berýge jáne ony saqtaýǵa shaqyrǵan astana turǵyndaryn qoldap otyr, dep habarlaidy "Ult aqparat".
«Qazaqstandyqtardyń astana turǵyndaryna belgili 120 jyldyq erekshe terek aǵashyn saqtaý qajettigi týraly bastamasyn qoldaimyn. Ol úshin barlyq kúshimizdi salǵan jón», - dep jazdy M.Myrzaǵaliev Twitter-degi óz paraqshasynda.
«Ministrlik óz tarapynan aǵashty saqtaý jónindegi jaýapkershilikti alady. Aqparat jazylǵan taqtaisha ornatylady», - dep habarlady ol.
Ministr, sonymen qatar, Nur-Sultan qalasynyń belsendilerine qorshaǵan ortaǵa qamqorlyq bildirgeni úshin alǵys aityp, qalalyqtardy «osy tabiǵi biregei bailyqty aialaýǵa shaqyrdy».
