Qaraǵandyda kompaniia aýmaǵynan 4 mln teńgege jýyq metall buiymdaryn urlady degen kúdikpen 48 jastaǵy qala turǵyny ustaldy, dep habarlaidy ult.kz.
Polisia.kz málimetinshe, er adam kompaniialardyń birinde aýyzsha kelisim boiynsha qosalqy jumysshy bolyp eńbek etken. Jumys barysynda qoimada saqtalǵan metall ydystardy, profildi qubyrlar men metall tabaqtardy baiqap, olardy urlap, satýdy uiǵarǵan.
Kúdikti kompaniia aýmaǵyn qorshaýdan birneshe ret asyp ótip, metall buiymdardy syrtqa alyp shyqqan. Saldarynan uiymǵa shamamen 4 mln teńge kóleminde shyǵyn kelgen.
Jedel-izdestirý sharalary kezinde politsiia urlanǵan metaldy qabyldaǵan pýnktti jáne buiymdardy tasymaldaǵan júk kóliginiń júrgizýshisin anyqtady. Tergeý derekterine sáikes, kúdikti júrgizýshini metaldyń ózine tiesili ekenine sendirgen.
Qazirgi ýaqytta tergeý aiaqtalyp, qylmystyq is materialdary sotqa joldaýǵa daiyndalyp jatyr.
