قازاقستان ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ بيلٸكتٸ نۇر-سۇلتان قالاسىنىڭ ورتالىق پاركٸندەگٸ كٶنە تەرەككە ايرىقشا مەرتەبە بەرۋگە جەنە ونى ساقتاۋعا شاقىرعان استانا تۇرعىندارىن قولداپ وتىر, دەپ حابارلايدى "ۇلت اقپارات".
«قازاقستاندىقتاردىڭ استانا تۇرعىندارىنا بەلگٸلٸ 120 جىلدىق ەرەكشە تەرەك اعاشىن ساقتاۋ قاجەتتٸگٸ تۋرالى باستاماسىن قولدايمىن. ول ٷشٸن بارلىق كٷشٸمٸزدٸ سالعان جٶن», - دەپ جازدى م.مىرزاعاليەۆ Twitter-دەگٸ ٶز پاراقشاسىندا.
«مينيسترلٸك ٶز تاراپىنان اعاشتى ساقتاۋ جٶنٸندەگٸ جاۋاپكەرشٸلٸكتٸ الادى. اقپارات جازىلعان تاقتايشا ورناتىلادى», - دەپ حابارلادى ول.
مينيستر, سونىمەن قاتار, نۇر-سۇلتان قالاسىنىڭ بەلسەندٸلەرٸنە قورشاعان ورتاعا قامقورلىق بٸلدٸرگەنٸ ٷشٸن العىس ايتىپ, قالالىقتاردى «وسى تابيعي بٸرەگەي بايلىقتى ايالاۋعا شاقىردى».
