سانجار بوقاەۆتىڭ جەكە موبيلوگرافى ۇلان نٷسٸپقوجا ٶزٸنە تاعىلعان بارلىق ايىپ بويىنشا كٸنەسٸن مويىنداپ, قىلمىسقا قاتىسى بار ٶزگە ادامداردىڭ ەرەكەتتەرٸ جٶنٸندە سوتتا ايعاق بەرۋگە دايىن. بۇل تۋرالى ونىڭ ادۆوكاتى مەدي ەۋەكەنوۆ مەلٸمدەدٸ.
ادۆوكاتتىڭ ايتۋىنشا, قورعاۋ تاراپىنىڭ ۇستانىمى ٶزگەرگەن. ۇلان نٷسٸپقوجا ٶزٸنە تاعىلعان بارلىق قىلمىستىق قۇقىق بۇزۋشىلىق بويىنشا كٸنەسٸن مويىنداۋ تۋرالى شەشٸم قابىلداعانىن ايتقان. اتاپ ايتقاندا, ول الدىن الا سٶز بايلاسۋ ارقىلى ادامدار توبىنىڭ ۇرلىق جاساۋى (قر قك 188-بابى 2-بٶلٸگٸنٸڭ 1-تارماعى), اعاشتاردى زاڭسىز كەسۋ (قر قك 340-بابى 3-بٶلٸگٸنٸڭ 1-تارماعى) جەنە كٶرٸنەۋ جالعان اقپارات تاراتۋ (قر قك 274-بابى 2-بٶلٸگٸنٸڭ 1 جەنە 3-تارماقتارى) بويىنشا تاعىلعان ايىپتاردى مويىنداپ, جاسالعان ەرەكەتتەردٸڭ مەن-جايىنا قاتىستى سوتتا ٶز ەركٸمەن شىنايى ەرٸ دەيەكتٸ ايعاق بەرۋگە نيەتتٸ.
ادۆوكات قورعاۋىنداعى ازاماتتىڭ ايعاقتارى تەك ٶزٸنٸڭ ٸس-ەرەكەتتەرٸنە عانا ەمەس, قىلمىسقا قاتىسى بار ٶزگە ادامداردىڭ ەرەكەتتەرٸنە دە قاتىستى بولاتىنىن اتاپ ٶتتٸ.
بۇعان دەيٸن سوت ۇلان نٷسٸپقوجانىڭ دەنساۋلىق جاعدايىن ەسكەرٸپ, وعان قاتىستى بۇلتارتپاۋ شاراسىن كٷزەتپەن ۇستاۋدان ٷيقاماققا اۋىستىرعان بولاتىن.
ۇلان نٷسٸپقوجا ادۆوكاتىنىڭ مەلٸمدەمەسٸن قولداپ, كٸنەسٸن مويىندايتىنىن جەنە ٸستٸڭ مەن-جايى بويىنشا سوتقا شىنايى ايعاق بەرۋگە دايىن ەكەنٸن جەتكٸزدٸ. بۇعان دەيٸن ول سانجار بوقاەۆ ٶزٸ ٷشٸن جالداعان ادۆوكات سەرگەي كيمنٸڭ قىزمەتٸنەن باس تارتقان ەدٸ.
