Astanada modýldik dúńgirshekterdi daiyndap, ornatýǵa ýáde berip, azamattardyń aqshasyn iemdendi degen kúdikpen 28 jastaǵy áiel ustaldy. Aldyn ala málimet boiynsha, keltirilgen shyǵyn kólemi shamamen 5 mln teńgeni quraidy, dep habarlaidy ult.kz.
Polisia.kz málimetinshe, kúdikti áleýmettik jelilerde modýldik qurylymdardy daiyndaý jáne ornatý qyzmetterin usynatyny týraly habarlandyrýlar jariialaǵan. Oǵan sengen azamattar áielmen kezdesip, jumys sharttaryn talqylap, qyzmet aqysyn tólegen.
Alaida aqshany alǵannan keiin kúdikti túrli syltaýmen jumysty keiinge qaldyryp, keiin tapsyrys berýshilermen bailanysyn úzgen. Politsiia osyǵan uqsas taǵy tórt derekti tirkedi.
Jedel-izdestirý sharalary barysynda kúdikti eldiń basqa óńirinen ustaldy. Atalǵan faktiler boiynsha qylmystyq is qozǵaldy.
Politsiia azamattardy internet arqyly qyzmetke tapsyrys bergende oryndaýshynyń senimdiligin tekserip, kelisimshart jasaspai jáne tiisti qujattardy rásimdemei turyp qomaqty qarajat aýdarmaýǵa shaqyrady.
