«Qazgidromet» RMK 2026 jylǵy 22–24 qazan aralyǵynda Qazaqstannyń birqatar óńirinde kútiletin qaýipti meteorologiialyq qubylystarǵa bailanysty daýyldy eskertý jariialady, dep habarlaidy ult.kz.
Astanada 22 qazanda soltústik-batystan soǵatyn jeldiń ekpini 15–18 m/s-qa deiin jetedi.
Shyǵys Qazaqstan oblysynda jańbyr men qar jaýyp, kóktaiǵaq, burqasyn bolady. Óńirdiń soltústiginde, shyǵysynda jáne taýly aýdandarynda qalyń qar kútiledi. Óskemende de qar jaýyp, burqasyn soǵady jáne kóktaiǵaq bolady. Jeldiń ekpini 15–20 m/s-qa deiin jetýi múmkin.
Abai oblysynda jańbyr men qar jaýyp, kóktaiǵaq pen burqasyn kútiledi. Túnde jáne tańerteń oblystyń ońtústiginde tuman túsedi. Semeide negizinen qar jaýyp, kóktaiǵaq bolady. Jeldiń ekpini kei ýaqytta 23 m/s-qa deiin jetedi.
Soltústik Qazaqstan oblysynda jańbyr men qar jaýyp, kóktaiǵaq bolady. Petropavlda da jaýyn-shashyn kútiledi. Óńirde soltústik-batystan soǵatyn jeldiń ekpini 25 m/s-qa deiin jetýi yqtimal.
Pavlodar oblysynda jańbyr men qar jaýyp, óńirdiń ońtústigi men ortalyǵynda kóktaiǵaq bolady. Túnde jáne tańerteń oblystyń soltústigi men ortalyǵynda tuman kútiledi. Pavlodar qalasynda da jaýyn-shashyn, kóktaiǵaq pen tuman boljanady. Jeldiń ekpini 15–20 m/s-qa deiin jetedi.
Aqmola oblysynda, sonyń ishinde Kókshetaýda, soltústik-batystan soǵatyn jeldiń ekpini 15–20 m/s bolady.
Almaty oblysynda batystan jáne soltústik-batystan jel soǵyp, oblystyń kei jerlerinde onyń ekpini 23–28 m/s-qa deiin kúsheiedi. Túnde óńirdiń soltústiginde 1 gradýs aiaz kútiledi. Qonaevta jeldiń ekpini 15–20 m/s-qa jetýi múmkin. Ile Alataýynyń Almaty qalasyndaǵy Medeý jáne Bostandyq aýdandarynyń taýly aimaqtarynda da jel kúsheiedi.
Jetisý oblysynyń taýly aýdandarynda túnde jáne tańerteń tuman túsedi. Alakól kólderi aýdanynda jeldiń ekpini 23–28 m/s-qa deiin jetýi yqtimal. Túnde oblystyń soltústiginde 3 gradýs aiaz kútiledi. Óńirdiń shyǵysynda tótenshe, ońtústiginde joǵary órt qaýpi saqtalady.
Jambyl oblysynyń taýly aýdandarynda tuman kútiledi. Jeldiń ekpini kei jerlerde 15–20 m/s bolady. Túnde oblystyń batysy men soltústiginde 3 gradýs aiaz boljanady.
Túrkistan oblysynyń taýly aýdandarynda tuman túsedi. Kúndiz jeldiń ekpini 15–20 m/s-qa jetedi. Túnde oblystyń soltústigi men taýly aýdandarynda 2 gradýs aiaz kútiledi. Óńirdiń soltústiginde, batysynda jáne ortalyǵynda joǵary órt qaýpi saqtalady. Túrkistan qalasynda da joǵary órt qaýpi bar.
Qyzylorda oblysynda kúndiz shyǵysy men ortalyǵynda shańdy daýyl soǵady. Jeldiń ekpini 15–20 m/s-qa deiin jetedi. Túnde osy aýmaqtarda 2 gradýs aiaz kútiledi. Oblys boiynsha tótenshe, soltústiginde joǵary órt qaýpi saqtalady. Qyzylorda qalasynda tótenshe órt qaýpi bar.
Qaraǵandy oblysynda túnde jáne tańerteń tuman túsedi. Kúndiz soltústigi men shyǵysynda jeldiń ekpini 15–20 m/s bolady. Oblystyń batysynda tótenshe órt qaýpi saqtalady.
Ulytaý oblysynyń batysy men ortalyǵynda, sondai-aq Jezqazǵan qalasynda tótenshe órt qaýpi kútiledi.
Qostanai oblysynda túnde jáne tańerteń batysy men soltústiginde tuman túsedi. Oblystyń ońtústiginde joǵary órt qaýpi saqtalady.
Aqtóbe oblysynda 22–24 qazanda shyǵysynda joǵary, batysynda, ońtústiginde jáne ortalyǵynda tótenshe órt qaýpi saqtalady.
Batys Qazaqstan oblysynyń soltústigi men shyǵysynda túnde jáne tańerteń tuman kútiledi. Oblystyń batysynda, ońtústiginde jáne shyǵysynda joǵary órt qaýpi bar. Oralda da túnde jáne tańerteń tuman túsedi.
Atyraý oblysynda joǵary órt qaýpi, al soltústiginde, ońtústiginde jáne shyǵysynda tótenshe órt qaýpi saqtalady. Atyraý qalasynda da tótenshe órt qaýpi bar.
Mańǵystaý oblysynyń ortalyǵynda joǵary órt qaýpi kútiledi.
