QR Ekologiia, geologiia jáne tabiǵi resýrstar vitse-ministri Áliia Shalabekova «Aral óńiriniń ekologiialyq baǵdarlanǵan óńirlik damýy» halyqaralyq yntymaqtastyq jónindegi German qoǵamynyń (GIZ) óńirlik jobasynyń jetekshisi Paýl Shýmahermen kezdesti.
Paýl Shýmaher vitse-ministrdi Aral óńirindegi ekologiialyq jaǵdaidy jaqsartý boiynsha birqatar is-sharalar iske asyrylyp jatqan atalǵan óńirlik jobanyń aǵymdaǵy jyldyń basynda bastalǵany týraly habardar etti.
Óz kezeginde Áliia Shalabekova Ministrliktiń GIZ-men túrli jobalar boiynsha jemisti yntymaqtastyǵyn atap ótip, ekologiia jáne qorshaǵan ortany qorǵaý salasynda tehnikalyq kómek kórsetkeni úshin alǵysyn bildirdi.
Kezdesý barysynda taraptar kógaldandyrý, landshaftqa keshendi monitoring júrgizý jáne Aral teńiziniń qurǵaǵan tabanyn kartografiialaý salasyndaǵy yntymaqtastyqtyń basym baǵyttaryn, sondai-aq klimattyń ózgerýine beiimdelý, balyq sharýashylyǵyn damytý, tabiǵatty qorǵaý is-sharalaryna jergilikti halyqty tartý máselelerin talqylady.
Kezdesý qorytyndysy boiynsha taraptar yntymaqtastyqty odan ári nyǵaitýǵa jáne GIZ jobasyna Qazaqstanda jan-jaqty qoldaý kórsetýge daiyn ekendikterin bildirdi.
Aita keteiik, «Aral óńiriniń ekologiialyq baǵdarlanǵan óńirlik damýy» óńirlik jobasy Germaniianyń ekonomikalyq yntymaqtastyq jáne damý federaldyq ministrliginiń tapsyrmasy boiynsha júzege asyrylady jáne ony halyqaralyq yntymaqtastyq jónindegi Germaniia qoǵamy (GIZ) iske asyrady.
Joba Aral óńiriniń ekologiialyq ornyqty transshekaralyq ekonomikalyq damýyn qamtamasyz etýde Qazaqstan men Ózbekstan úkimetterine qoldaý kórsetedi.
