قر ەكولوگييا, گەولوگييا جەنە تابيعي رەسۋرستار ۆيتسە-مينيسترٸ ەلييا شالابەكوۆا «ارال ٶڭٸرٸنٸڭ ەكولوگييالىق باعدارلانعان ٶڭٸرلٸك دامۋى» حالىقارالىق ىنتىماقتاستىق جٶنٸندەگٸ گەرمان قوعامىنىڭ (GIZ) ٶڭٸرلٸك جوباسىنىڭ جەتەكشٸسٸ پاۋل شۋماحەرمەن كەزدەستٸ.
پاۋل شۋماحەر ۆيتسە-مينيستردٸ ارال ٶڭٸرٸندەگٸ ەكولوگييالىق جاعدايدى جاقسارتۋ بويىنشا بٸرقاتار ٸس-شارالار ٸسكە اسىرىلىپ جاتقان اتالعان ٶڭٸرلٸك جوبانىڭ اعىمداعى جىلدىڭ باسىندا باستالعانى تۋرالى حاباردار ەتتٸ.
ٶز كەزەگٸندە ەلييا شالابەكوۆا مينيسترلٸكتٸڭ GIZ-مەن تٷرلٸ جوبالار بويىنشا جەمٸستٸ ىنتىماقتاستىعىن اتاپ ٶتٸپ, ەكولوگييا جەنە قورشاعان ورتانى قورعاۋ سالاسىندا تەحنيكالىق كٶمەك كٶرسەتكەنٸ ٷشٸن العىسىن بٸلدٸردٸ.
كەزدەسۋ بارىسىندا تاراپتار كٶگالداندىرۋ, لاندشافتقا كەشەندٸ مونيتورينگ جٷرگٸزۋ جەنە ارال تەڭٸزٸنٸڭ قۇرعاعان تابانىن كارتوگرافييالاۋ سالاسىنداعى ىنتىماقتاستىقتىڭ باسىم باعىتتارىن, سونداي-اق كليماتتىڭ ٶزگەرۋٸنە بەيٸمدەلۋ, بالىق شارۋاشىلىعىن دامىتۋ, تابيعاتتى قورعاۋ ٸس-شارالارىنا جەرگٸلٸكتٸ حالىقتى تارتۋ مەسەلەلەرٸن تالقىلادى.
كەزدەسۋ قورىتىندىسى بويىنشا تاراپتار ىنتىماقتاستىقتى ودان ەرٸ نىعايتۋعا جەنە GIZ جوباسىنا قازاقستاندا جان-جاقتى قولداۋ كٶرسەتۋگە دايىن ەكەندٸكتەرٸن بٸلدٸردٸ.
ايتا كەتەيٸك, «ارال ٶڭٸرٸنٸڭ ەكولوگييالىق باعدارلانعان ٶڭٸرلٸك دامۋى» ٶڭٸرلٸك جوباسى گەرمانييانىڭ ەكونوميكالىق ىنتىماقتاستىق جەنە دامۋ فەدەرالدىق مينيسترلٸگٸنٸڭ تاپسىرماسى بويىنشا جٷزەگە اسىرىلادى جەنە ونى حالىقارالىق ىنتىماقتاستىق جٶنٸندەگٸ گەرمانييا قوعامى (GIZ) ٸسكە اسىرادى.
جوبا ارال ٶڭٸرٸنٸڭ ەكولوگييالىق ورنىقتى ترانسشەكارالىق ەكونوميكالىق دامۋىن قامتاماسىز ەتۋدە قازاقستان مەن ٶزبەكستان ٷكٸمەتتەرٸنە قولداۋ كٶرسەتەدٸ.
