Kiik sanyn «Ohotzooprom» kásiporny arqyly retteýge bolady. Bul týraly EGTRM Orman sharýashylyǵy jáne janýarlar dúniesi komitetiniń tóraǵasy Nurlan Qylyshbaev aitty, dep habarlaidy QazAqparat.
«Ǵylymi qorytyndyǵa sáikes, kiik sanyn retteý onyń biologiialyq erekshelikterin eskere otyryp, ókiletti organnyń mamandandyrylǵan uiymynyń kúshimen júrgizilýi tiis. Kiik sanyn retteý nátijesinde alynǵan, tabiǵi jolmen ólgenderinen jinalǵan, brakonerlerden jáne kedende tárkilengen múiizderdi ókiletti organnyń mamandandyrylǵan uiymyna olardy mindetti túrde túgendeý jáne tańbalai otyryp jinaýǵa múmkindik berý qajet», - dedi ol elordada ótken «Kiik popýliatsiiasy sanyn retteý» taqyrybyndaǵy dóńgelek ústel barysynda.
Onyń atap ótýinshe, komitet kiik sanyn retteýdi bastaǵanǵa deiin olardy sany retteýge jatatyn jabaiy ań túrleri tizbesine qosýdy josparlap otyr.
«Biz kiikterdiń sanyn búginge deiin ańnyń osy túrin qorǵaý qyzmetin oryndap kelgen ókiletti organ – «Ohotzooprom» mamandandyrylǵan uiymnyń kúshimen retteýdi usynamyz. Olar - kiik daǵysy men migratsiia jolyn biletin joǵary deńgeidegi mamandar. Sonymen qatar «Ohotzoopromnyń» ǵana emes, janýarlar dúniesin qorǵaý jónindegi aýmaqtyq inspektsiialardyń, tabiǵatty qorǵaý politsiiasynyń da baqylaýynda bolýyn usynamyz», - dedi Nurlan Qylyshbaev.
