كيٸك سانىن «وحوتزووپروم» كەسٸپورنى ارقىلى رەتتەۋگە بولادى. بۇل تۋرالى ەگترم ورمان شارۋاشىلىعى جەنە جانۋارلار دٷنيەسٸ كوميتەتٸنٸڭ تٶراعاسى نۇرلان قىلىشباەۆ ايتتى, دەپ حابارلايدى قازاقپارات.
«عىلىمي قورىتىندىعا سەيكەس, كيٸك سانىن رەتتەۋ ونىڭ بيولوگييالىق ەرەكشەلٸكتەرٸن ەسكەرە وتىرىپ, ٶكٸلەتتٸ ورگاننىڭ مامانداندىرىلعان ۇيىمىنىڭ كٷشٸمەن جٷرگٸزٸلۋٸ تيٸس. كيٸك سانىن رەتتەۋ نەتيجەسٸندە الىنعان, تابيعي جولمەن ٶلگەندەرٸنەن جينالعان, براكونەرلەردەن جەنە كەدەندە تەركٸلەنگەن مٷيٸزدەردٸ ٶكٸلەتتٸ ورگاننىڭ مامانداندىرىلعان ۇيىمىنا ولاردى مٸندەتتٸ تٷردە تٷگەندەۋ جەنە تاڭبالاي وتىرىپ جيناۋعا مٷمكٸندٸك بەرۋ قاجەت», - دەدٸ ول ەلوردادا ٶتكەن «كيٸك پوپۋلياتسيياسى سانىن رەتتەۋ» تاقىرىبىنداعى دٶڭگەلەك ٷستەل بارىسىندا.
ونىڭ اتاپ ٶتۋٸنشە, كوميتەت كيٸك سانىن رەتتەۋدٸ باستاعانعا دەيٸن ولاردى سانى رەتتەۋگە جاتاتىن جابايى اڭ تٷرلەرٸ تٸزبەسٸنە قوسۋدى جوسپارلاپ وتىر.
«بٸز كيٸكتەردٸڭ سانىن بٷگٸنگە دەيٸن اڭنىڭ وسى تٷرٸن قورعاۋ قىزمەتٸن ورىنداپ كەلگەن ٶكٸلەتتٸ ورگان – «وحوتزووپروم» مامانداندىرىلعان ۇيىمنىڭ كٷشٸمەن رەتتەۋدٸ ۇسىنامىز. ولار - كيٸك داعىسى مەن ميگراتسييا جولىن بٸلەتٸن جوعارى دەڭگەيدەگٸ ماماندار. سونىمەن قاتار «وحوتزووپرومنىڭ» عانا ەمەس, جانۋارلار دٷنيەسٸن قورعاۋ جٶنٸندەگٸ اۋماقتىق ينسپەكتسييالاردىڭ, تابيعاتتى قورعاۋ پوليتسيياسىنىڭ دا باقىلاۋىندا بولۋىن ۇسىنامىز», - دەدٸ نۇرلان قىلىشباەۆ.
