Ekologiia ministrligi elorda turǵyndaryn alańdatqan Esil ózenindegi sýdyń túsine qatysty túsinik berdi, dep habarlaidy "Ult aqparat".
Aita keteiik, ózendegi sýdyń jasyl túske boialǵan bóligi áleýmettik jelide jariialanǵan edi.
Ministrlik málimetinshe, áleýmettik jelidegi jariialanym negizinde elorda boiynsha Ekologiia departamentiniń mamandary 31 shilde kúni Esil ózeni boiyn qarap shyqty. Osy oraida ózen jaǵalaýy zerttelip, Esildegi sýdyń synamasy alyndy.
«Esil ózeni sýynyń jasyl túske boialýyna tabiǵi qubylys sebep bolýy múmkin. Sý túsiniń ózgerýine fitoplanktonnyń kóbeiýi áser etedi. Bul turǵyda sý qoimasynda baldyrdyń tez kóbeiýi yqpal etýi múmkin», - delingen Ekologiia ministrligi habarlamasynda.
Sonymen qatar, sý túsiniń ózgerýine makrobaldyrlar da áser etýi yqtimal.
Vedomstvo málimetinshe, atalǵan máseleni Ekologiia departamenti erekshe baqylaýǵa aldy. Zańnamaǵa sáikes, departament Nur-Sultan qalasy aýmaǵynda turaqty monitoring pen baqylaý júrgizýde. Al sýdan alynǵan synamanyń nátijeleri aldaǵy ýaqytta jariialanatyn bolady.
