ەكولوگييا مينيسترلٸگٸ ەلوردا تۇرعىندارىن الاڭداتقان ەسٸل ٶزەنٸندەگٸ سۋدىڭ تٷسٸنە قاتىستى تٷسٸنٸك بەردٸ, دەپ حابارلايدى "ۇلت اقپارات".
ايتا كەتەيٸك, ٶزەندەگٸ سۋدىڭ جاسىل تٷسكە بويالعان بٶلٸگٸ ەلەۋمەتتٸك جەلٸدە جارييالانعان ەدٸ.
مينيسترلٸك مەلٸمەتٸنشە, ەلەۋمەتتٸك جەلٸدەگٸ جارييالانىم نەگٸزٸندە ەلوردا بويىنشا ەكولوگييا دەپارتامەنتٸنٸڭ ماماندارى 31 شٸلدە كٷنٸ ەسٸل ٶزەنٸ بويىن قاراپ شىقتى. وسى ورايدا ٶزەن جاعالاۋى زەرتتەلٸپ, ەسٸلدەگٸ سۋدىڭ سىناماسى الىندى.
«ەسٸل ٶزەنٸ سۋىنىڭ جاسىل تٷسكە بويالۋىنا تابيعي قۇبىلىس سەبەپ بولۋى مٷمكٸن. سۋ تٷسٸنٸڭ ٶزگەرۋٸنە فيتوپلانكتوننىڭ كٶبەيۋٸ ەسەر ەتەدٸ. بۇل تۇرعىدا سۋ قويماسىندا بالدىردىڭ تەز كٶبەيۋٸ ىقپال ەتۋٸ مٷمكٸن», - دەلٸنگەن ەكولوگييا مينيسترلٸگٸ حابارلاماسىندا.
سونىمەن قاتار, سۋ تٷسٸنٸڭ ٶزگەرۋٸنە ماكروبالدىرلار دا ەسەر ەتۋٸ ىقتيمال.
ۆەدومستۆو مەلٸمەتٸنشە, اتالعان مەسەلەنٸ ەكولوگييا دەپارتامەنتٸ ەرەكشە باقىلاۋعا الدى. زاڭناماعا سەيكەس, دەپارتامەنت نۇر-سۇلتان قالاسى اۋماعىندا تۇراقتى مونيتورينگ پەن باقىلاۋ جٷرگٸزۋدە. ال سۋدان الىنعان سىنامانىڭ نەتيجەلەرٸ الداعى ۋاقىتتا جارييالاناتىن بولادى.
