Ekologiia, geologiia jáne tabiǵi resýrstar ministri Maǵzum Myrzaǵaliev ózen aǵynynyń resýrstary jaiynda aityp berdi, dep habarlaidy "Ult aqparat".
«Sońǵy jyldary ózen aǵynynyń naqty resýrstary jylyna 90-100 tekshe shaqyrymdy qurady. Onyń 51-ge jýyq tekshe shaqyrymy – jergilikti aǵyn, al qalǵany Qytaidan, Ortalyq Aziia elderinen jáne Reseiden transshekaralyq ózender arqyly kelip túsedi. Halyqtyń jáne ekonomika salalarynyń qajettilikteri úshin paidalanylatyn sýdyń jalpy kólemi shamamen 25 tekshe shaqyrymdy quraidy. Onyń ishinde aýyl sharýashylyǵyna – 15 tekshe shaqyrym , ónerkásipke – 6 tekshe shaqyrym jáne kommýnaldyq sharýashylyqqa bir tekshe shaqyrym tiesili. Al tasymaldaý kezindegi shyǵyndar úsh tekshe shaqyrymdy quraidy. Sonymen qatar, ekologiialyq júielerdi qoldaý úshin shamamen 50 tekshe shaqyrym qajet», - dedi ministr Úkimet otyrysynda.
Onyń aitýynsha, sońǵy úsh jylda Qazaqstan sý az tsikline kirdi. 2019 jyly ózen aǵysynyń jalpy kólemi 83 tekshe shaqyrymdy qurady. Bul ortasha kóp jyldyq kórsetkishten jiyrma paiyzǵa az.
«Aita ketý kerek, respýblika boiynsha paidalanylatyn sýdyń 97% ońtústiktegi tórt oblysqa tiesili. Respýblika boiynsha paidalanylǵan sýdyń naqty kólemi 13,3 tekshe shaqyrymdy qurady. Bul 2019 jylmen salystyrǵanda 1 km3 artyq», - dedi Myrzaǵaliev.
