ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ ٶزەن اعىنىنىڭ رەسۋرستارى جايىندا ايتىپ بەردٸ, دەپ حابارلايدى "ۇلت اقپارات".
«سوڭعى جىلدارى ٶزەن اعىنىنىڭ ناقتى رەسۋرستارى جىلىنا 90-100 تەكشە شاقىرىمدى قۇرادى. ونىڭ 51-گە جۋىق تەكشە شاقىرىمى – جەرگٸلٸكتٸ اعىن, ال قالعانى قىتايدان, ورتالىق ازييا ەلدەرٸنەن جەنە رەسەيدەن ترانسشەكارالىق ٶزەندەر ارقىلى كەلٸپ تٷسەدٸ. حالىقتىڭ جەنە ەكونوميكا سالالارىنىڭ قاجەتتٸلٸكتەرٸ ٷشٸن پايدالانىلاتىن سۋدىڭ جالپى كٶلەمٸ شامامەن 25 تەكشە شاقىرىمدى قۇرايدى. ونىڭ ٸشٸندە اۋىل شارۋاشىلىعىنا – 15 تەكشە شاقىرىم , ٶنەركەسٸپكە – 6 تەكشە شاقىرىم جەنە كوممۋنالدىق شارۋاشىلىققا بٸر تەكشە شاقىرىم تيەسٸلٸ. ال تاسىمالداۋ كەزٸندەگٸ شىعىندار ٷش تەكشە شاقىرىمدى قۇرايدى. سونىمەن قاتار, ەكولوگييالىق جٷيەلەردٸ قولداۋ ٷشٸن شامامەن 50 تەكشە شاقىرىم قاجەت», - دەدٸ مينيستر ٷكٸمەت وتىرىسىندا.
ونىڭ ايتۋىنشا, سوڭعى ٷش جىلدا قازاقستان سۋ از تسيكلٸنە كٸردٸ. 2019 جىلى ٶزەن اعىسىنىڭ جالپى كٶلەمٸ 83 تەكشە شاقىرىمدى قۇرادى. بۇل ورتاشا كٶپ جىلدىق كٶرسەتكٸشتەن جيىرما پايىزعا از.
«ايتا كەتۋ كەرەك, رەسپۋبليكا بويىنشا پايدالانىلاتىن سۋدىڭ 97% وڭتٷستٸكتەگٸ تٶرت وبلىسقا تيەسٸلٸ. رەسپۋبليكا بويىنشا پايدالانىلعان سۋدىڭ ناقتى كٶلەمٸ 13,3 تەكشە شاقىرىمدى قۇرادى. بۇل 2019 جىلمەن سالىستىرعاندا 1 كم3 ارتىق», - دەدٸ مىرزاعاليەۆ.
