Elorda aspanyn alyp ketetin tútin problemasyn sheshýge bolady. Ekologiia, geologiia jáne tabiǵi resýrstar ministri Maǵzum Myrzaǵaliev Ortalyq kommýnikatsiialar qyzmetindegi baspasóz máslihatynda osylai dedi, dep habarlaidy "Ult aqparat".
«Tútin problemasyn sheshýge bolady. Ol másele eńseriletinine senimdimin. Ol baǵyttaǵy qajetti daiyndyq jumystarynyń bári júrgizildi. Tiisti tetikter ázirlendi. Elbasynyń tarihi sheshiminiń arqasynda Saryarqa gaz jelisi tartyldy. Qazirdiń ózinde elordadaǵy úiler gazǵa qosylyp jatqanyn bilesizder», - dedi ministr.
Onyń aitýynsha, ministrlik bul máseleni árdaiym baqylaýda ustap otyr. Qalada qazirgi tańda 300 shaqyrymǵa jýyq gaz taratý qubyrlary tartylyp qoiǵan.
«1 myńǵa tarta tehnikalyq sharttar taratyldy. Merekelerden keiin belsendi túrde bárin iske qosa bastaimyz. Qazirdiń ózinde 300-ge jýyq úige gaz qosylyp qoiǵan. Birneshe myń úi taǵy tapsyrys berdi. Búginge deiin turǵyndar kómir satyp alyp qoiǵandyqtan, ázirge suranys keremet dep aita almaimyn. Ekinshiden, JEO-lar da gazǵa qosylýda. Tórt qazandyq gazǵa qosylyp qoidy. Biyl qalǵan qazandyqtar gazǵa qosylady. Osylaisha, kelesi jylytý maýsymynda bizdiń qaladaǵy aýa edáýir tazaryp qalýy kerek», - dep túidi ministr.
