QR Ekologiia, geologiia jáne tabiǵi resýrstar ministri Maǵzum Myrzaǵaliev elimizdegi sý tapshylyǵy máselesi týraly aitty, dep habarlaidy QazAqparat.
«Biyl sý tapshylyǵyna máselesi qiyn jaǵdaidy kórsetti. Bastysy qanshama qiynshylyqtarǵa qaramastan vegetatsiia kezeńindegi jaǵdai turaqty. Degenmen sý máselesi qashanda bizdiń basty nazarda», - dedi Myrzaǵaliev.
Aita ketsek, búgin Ekologiia ministri ÚEU ókilderi jáne eko-belsendilermen birge elimizdegi sý sharýashylyǵy salasyna qatysty máselelerge arnalǵan onlain kezdesý ótkizdi.
Aldymen M. Myrzaǵaliev egin maýsymynda otandyq fermerlerdi sýmen qamtý máselesiniń qalai sheshilip jatqany týraly aityp berdi.
«Fermerlerdi sýmen qamtamasyz etý maqsatynda biz kelesi jumystardy júrgizemiz. Birinshiden, kórshi eldermen qarym-qatynas. Syrdariia ózeni boiynsha biz Qyrǵyz elimen qosymsha sý aǵyzý týraly kelisimge keldik. Vegetatsiia shyńynda (maýsym-tamyz) Toqtoǵul sý qoimasynan qosymsha 330 million tekshe metr sý qory bolady. Dál osyndai sý kólemin Ózbekstan aýmaǵy arqyly ótkizý týraly da ýaǵdalastyqqa qol jetkizildi. Sondai-aq, tájik jáne ózbek taraptarymen birlesip, biyl 16 maýsymda «Bahri Tochik» sý qoimasynyń jumys rejimin kelisý boiynsha maýsym-tamyz kezeńine arnalǵan jumys keńesiniń hattamasyna qol qoiyldy», - deidi ol.
