قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ ەلٸمٸزدەگٸ سۋ تاپشىلىعى مەسەلەسٸ تۋرالى ايتتى, دەپ حابارلايدى قازاقپارات.
«بيىل سۋ تاپشىلىعىنا مەسەلەسٸ قيىن جاعدايدى كٶرسەتتٸ. باستىسى قانشاما قيىنشىلىقتارعا قاراماستان ۆەگەتاتسييا كەزەڭٸندەگٸ جاعداي تۇراقتى. دەگەنمەن سۋ مەسەلەسٸ قاشاندا بٸزدٸڭ باستى نازاردا», - دەدٸ مىرزاعاليەۆ.
ايتا كەتسەك, بٷگٸن ەكولوگييا مينيسترٸ ٷەۇ ٶكٸلدەرٸ جەنە ەكو-بەلسەندٸلەرمەن بٸرگە ەلٸمٸزدەگٸ سۋ شارۋاشىلىعى سالاسىنا قاتىستى مەسەلەلەرگە ارنالعان ونلاين كەزدەسۋ ٶتكٸزدٸ.
الدىمەن م. مىرزاعاليەۆ ەگٸن ماۋسىمىندا وتاندىق فەرمەرلەردٸ سۋمەن قامتۋ مەسەلەسٸنٸڭ قالاي شەشٸلٸپ جاتقانى تۋرالى ايتىپ بەردٸ.
«فەرمەرلەردٸ سۋمەن قامتاماسىز ەتۋ ماقساتىندا بٸز كەلەسٸ جۇمىستاردى جٷرگٸزەمٸز. بٸرٸنشٸدەن, كٶرشٸ ەلدەرمەن قارىم-قاتىناس. سىردارييا ٶزەنٸ بويىنشا بٸز قىرعىز ەلٸمەن قوسىمشا سۋ اعىزۋ تۋرالى كەلٸسٸمگە كەلدٸك. ۆەگەتاتسييا شىڭىندا (ماۋسىم-تامىز) توقتوعۇل سۋ قويماسىنان قوسىمشا 330 ميلليون تەكشە مەتر سۋ قورى بولادى. دەل وسىنداي سۋ كٶلەمٸن ٶزبەكستان اۋماعى ارقىلى ٶتكٸزۋ تۋرالى دا ۋاعدالاستىققا قول جەتكٸزٸلدٸ. سونداي-اق, تەجٸك جەنە ٶزبەك تاراپتارىمەن بٸرلەسٸپ, بيىل 16 ماۋسىمدا «باحري توچيك» سۋ قويماسىنىڭ جۇمىس رەجيمٸن كەلٸسۋ بويىنشا ماۋسىم-تامىز كەزەڭٸنە ارنالعان جۇمىس كەڭەسٸنٸڭ حاتتاماسىنا قول قويىلدى», - دەيدٸ ول.
