Qazaqstannyń Ekologiia, geologiia jəne tabiǵi resýrstar ministri Maǵzum Myrzaǵaliev Shýchinsk-Býrabai kýrorttyq aimaǵyndaǵy aǵashtardy kesý deregi boiynsha tekserýdiń nátijesi týraly aitty, dep habarlaidy QazAqparat.
«Prezident tapsyrmasyn oryndadyq, osy oraida tiisti tekseris júrgizildi. Bul jaǵdai boiynsha aǵash kesý sharasy aldyn ala kelisilgen eken, iaǵni Býrabaidyń jańadan damytylyp jatqan týristik klasterine infraqurylymdy tartý úshin trassany ótkizýge qatysty bolyp otyr», - dedi Maǵzum Myrzaǵaliev tilshilerdiń suraǵyna jaýap bere otyryp.
Onyń aitýynsha, merdiger uiymnyń kúshimen aldaǵy ýaqytta aǵash otyrǵyzý sharalary júzege asyrylmaq.
«Shynymen de trassany ótkizý kezinde aǵashtar kesilgen bolatyn. Osy oraida, aǵash otyrǵyzý jóninde Aqmola oblysynyń ákimimen ýaǵdalastyq jasaldy. Bul turǵyda atalǵan aýmaqta árbir kesilgen aǵashtyń ornyna eki túpten kem emes aǵash otyrǵyzylady», - dep naqtylady ministr.
Eske salsaq, biyl tamyz aiynda Qasym-Jomart Toqaev Býrabaidaǵy aǵash kesý oqiǵasy boiynsha shuǵyl sharalar qabyldanýy kerektigin tapsyrǵan bolatyn.
