قازاقستاننىڭ ەكولوگييا, گەولوگييا جəنە تابيعي رەسۋرستار مينيسترٸ ماعزۇم مىرزاعاليەۆ ششۋچينسك-بۋراباي كۋرورتتىق ايماعىنداعى اعاشتاردى كەسۋ دەرەگٸ بويىنشا تەكسەرۋدٸڭ نەتيجەسٸ تۋرالى ايتتى, دەپ حابارلايدى قازاقپارات.
«پرەزيدەنت تاپسىرماسىن ورىندادىق, وسى ورايدا تيٸستٸ تەكسەرٸس جٷرگٸزٸلدٸ. بۇل جاعداي بويىنشا اعاش كەسۋ شاراسى الدىن الا كەلٸسٸلگەن ەكەن, ياعني بۋرابايدىڭ جاڭادان دامىتىلىپ جاتقان تۋريستٸك كلاستەرٸنە ينفراقۇرىلىمدى تارتۋ ٷشٸن تراسسانى ٶتكٸزۋگە قاتىستى بولىپ وتىر», - دەدٸ ماعزۇم مىرزاعاليەۆ تٸلشٸلەردٸڭ سۇراعىنا جاۋاپ بەرە وتىرىپ.
ونىڭ ايتۋىنشا, مەردٸگەر ۇيىمنىڭ كٷشٸمەن الداعى ۋاقىتتا اعاش وتىرعىزۋ شارالارى جٷزەگە اسىرىلماق.
«شىنىمەن دە تراسسانى ٶتكٸزۋ كەزٸندە اعاشتار كەسٸلگەن بولاتىن. وسى ورايدا, اعاش وتىرعىزۋ جٶنٸندە اقمولا وبلىسىنىڭ ەكٸمٸمەن ۋاعدالاستىق جاسالدى. بۇل تۇرعىدا اتالعان اۋماقتا ەربٸر كەسٸلگەن اعاشتىڭ ورنىنا ەكٸ تٷپتەن كەم ەمەس اعاش وتىرعىزىلادى», - دەپ ناقتىلادى مينيستر.
ەسكە سالساق, بيىل تامىز ايىندا قاسىم-جومارت توقاەۆ بۋرابايداعى اعاش كەسۋ وقيعاسى بويىنشا شۇعىل شارالار قابىلدانۋى كەرەكتٸگٸن تاپسىرعان بولاتىن.
