QR Úkimetiniń qaýlysymen Sergei Nikolaevich Gromov basqa jumysqa aýysýyna bailanysty QR ekologiia, geologiia jáne tabiǵi resýrstar vitse-ministri qyzmetinen bosatyldy, dep habarlaidy primeminister.kz.
Sergei Gromov 1959 jyly Taldyqorǵan oblysynda dúniege kelgen.
Ár jyldary aýdan ákimi, Ońtústik Qazaqstan oblysy ákiminiń birinshi orynbasary, Prezident Ákimshiliginiń memlekettik inspektory, apparat basshysy, tóraǵa orynbasary, «Nur Otan» halyqtyq-demokratiialyq partiiasynyń hatshysy, QR qorǵanys ministriniń orynbasary bolyp jumys istedi. 2013-2016 jyldary — QR Parlamenti Senatynyń V shaqyrylymynyń depýtaty, Halyqaralyq qatynastar, qorǵanys jáne qaýipsizdik komitetiniń múshesi. 2016-2019 jyldary — QR Parlamenti Senaty tóraǵasynyń orynbasary.
2019 jylǵy tamyzdan bastap QR ekologiia, geologiia jáne tabiǵi resýrstar vitse-ministri qyzmetin atqardy.
