Premer-ministr Oljas Bektenovtiń tóraǵalyǵymen ótken Úkimet otyrysynda Almaty SuperSki taý shańǵysy klasteri jobasynyń júzege asyrylý barysy qaraldy, dep habarlaidy ult.kz.
Kazakh Tourism Development kompaniiasynyń basqarma tóraǵasy Erjan Erkinbaev joba aiasynda kúnine 10 myń adamnan asatyn 60 shaqyrym taý-shańǵy trassasy, zamanaýi 11 aspaly jolyn, sondai-aq infraqurylym nysandaryn salý josparlanyp otyrǵanyn aitty. Ekologiia jáne tabiǵi resýrstar ministri Erlan Nysanbaev ǵalymdarmen jáne ekolog mamandarmen birlesip júrgizilgen jumys týraly baiandady.
«Ministrlik ǵalymdar jáne jetekshi ekolog mamandarmen birlesip, jan-jaqty zertteý jumystaryn júrgizgenin, onyń qorytyndysy boiynsha jobany júzege asyrý qorshaǵan ortaǵa keri áser etpeitini anyqtaldy», — dep atap ótti Erlan Nysanbaev.
Premer-ministr Oljas Bektenov jobany ýaqtyly júzege asyrýdyń mańyzdylyǵyn atap ótti.
«Barlyq kajetti sheshimder qabyldandy. Sondyqtan syn aitatyndar, árine, bola beredi. Oǵan qaramai, bárin tezdetip júzege asyrý kerek. Bizge naqty nátije kerek. Bul jobany júzege asyrýda ekologiia máselelerine asa nazar aýdarý kerek», — dedi Premer-ministr.
Oljas Bektenov jobany júzege asyrýdyń barlyq kezeńinde jurtshylyq arasynda turaqty negizde túsindirý jumystaryn júrgizip otyrýdy tapsyrdy.
