Koronavirýstyń taralýyna bailanysty Ushý quramynyń, kabina ekipajynyń músheleri mindetti túrde ushý aldyndaǵy meditsinalyq tekserýden ótýi qajet. Bul týraly "Ult aqparat" QR IIDM baspasóz qyzmetine silteme jasap habarlaidy.
«Ushý aldyndaǵy meditsinalyq tekserýdi júrgizý kezinde azamattyq aviatsiia uiymdarynyń jáne azamattyq aviatsiia uiymdarymen kelisim boiynsha meditsinalyq uiymdardyń meditsinalyq qyzmetkerleri mindetti túrde dene temperatýrasyn ólshep, teriniń syrtqy qabyǵy men kózge kórinetin shyryshty qabattarynyń túsi men kúiine (bozarý, giperemiia, shamadan tys terleý, akrotsianoz, isiný, teriniń sarǵaiýy, sklera jáne t.b.) baǵa berý qajet. Sondai-aq, badamsha bezderdiń, jumsaq jáne qatty tańdaidyń shyryshty qabyǵyn, jutqynshaqty jáne tilin tekserý; qarashyqtyń jaryqqa reaktsiiasyn anyqtaý qajet.
Sonymen qatar, ushý aldyndaǵy meditsinalyq tekserýden ótetin bólmeniń sanitarlyq tazartylýyn baqylaýdy kúsheitý usynyldy», - delingen habarlamada.
Ushý aldyndaǵy meditsinalyq tekserý kabinetteri jetkilikti mólsherde termometrmen, bir rettik maskalarmen, bir rettik qolǵaptarmen jáne bir ret paidalanatyn shpateldermen qamtamasyz etilýi tiis.
Eger jedel respiratorlyq virýstyq infektsiia belgileri bar aviatsiia personaly anyqtalǵan bolsa, aýmaqtyq emhanaǵa jáne/nemese aviatsiialyq meditsinalyq sarapshylarǵa joldai otyryp, fýnktsionaldyq mindetterin oryndaýdan shettetý qajet.
Ushý quramynyń jáne kabina ekipajynyń barlyq múshelerine meditsinalyq maska taǵý usynylady.
QR IIDM Azamattyq aviatsiia komitetinde Qazaqstan Respýblikasy men Qytai Halyq Respýblikasy arasyndaǵy turaqty reisterdi ýaqytsha toqtatý máselesi boiynsha qazaqstandyq jáne qytailyq áýe kompaniialardyń ókilderimen kezdesý ótti.
«Eir Astana», China Southern Airlines jáne Air China ókilderi ýaqytsha toqtatylǵan reisterdiń jolaýshylaryna biletterdi qaitarý satyp alý orny boiynsha tolyq kólemde júzege asyrylatynyn taǵy da rastady.
