Germaniia ekonomikasy koronavirýske bailanysty sáýir-maýsym ailarynda ótken toqsanmen salystyrǵanda 10,1%-ǵa qysqardy, dep habarlaidy "Ult aqparat" federaldy statistikalyq vedomstvoǵa silteme jasap.
«Bul Germaniianyń IJÓ-niń toqsandyq statistikasy tirkele bastaǵan 1970 jyldan bergi eń úlken quldyraý kórsetkishi», - dep habarlady vedomstvoda.
Quldyraý kórsetkishi Germaniia tarihyndaǵy burynǵy nashar kórsetkishten áldeqaida asyp tústi. Álemdik ekonomikalyq daǵdarys kezinde 2009 jyldyń birinshi toqsanynda 4,7% - ǵa tómendegen edi.
Eýropanyń iri ekonomikasynyń JIÓ jyldyq esepteýde sáýirden maýsymǵa deiin 11,7%-ǵa tómendedi.
«Mundai edáýir quldyraý kórsetkishi 2008-2009 jyldardaǵy ekonomikalyq daǵdarys kezinde de baiqalǵan joq», - dep kórsetilgen staistikada.
Federaldy statistika vedomstvosy sonymen qatar, biylǵy jyldyń ekinshi toqsanynda taýarlar men qyzmetterdiń eksporty men importynyń, úi sharýashylyǵy shyǵyndary, kólikter men jabdyqtarǵa salynǵan kúrdeli qarjy jumsalymynyń jappai tómendeýi baiqalatynyn habarlaidy.
Eske sala keteiik, Germaniia úkimeti birinshi toqsannyń qorytyndysy boiynsha Ekinshi dúniejúzilik soǵystan bergi GFR-daǵy eń nashar ekonomikalyq quldyraý kórsetkishin kútken bolatyn. Biylǵy jyly jalpy ishki ónim 6,3% -ǵa tómendeýi múmkin.
