QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin ekinshi deńgeili bankterdegi qazaqstandyqtardyń jeke derekteri qalai qorǵalǵanyn aityp berdi, dep habarlaidy "Ult aqparat".
«Keshe Kaspi bankinde tehnikalyq aqaýlar boldy. Ondaǵy jeke derekterdiń qoldy bolmaýyna memleket kepildik bere ala ma? Sol derekterdi bankter klient tartýǵa paidalanyp ketpei me? Qaýipsizdik máselesi qalai sheshilgen?», - dep suraq qoidy tilshi Ortalyq kommýnikatsiialar qyzmetinde ótken brifingte.
Ministr memlekettik qyzmet kórsetý barysynda alynǵan jeke derekterdi zańsyz paidalanǵany úshin bankterdiń zańdy jaýapqa tartylatyny týraly kelisimderge qol qoiylǵanyn aitty. Bul bankterdiń barlyǵy aqparattandyrýdyń asa mańyzdy nysandary bolyp sanalady. Barlyq mańyzdy nysandar aqparattandyrýǵa qoiylatyn biryńǵai tehnikalyq talaptardy saqtaýy tiis.
«Eger qandai da bir JShS nemese kásiporyn jeke derekterdi teris paidalaný kúdigine ilinse, Aqparattyq qaýipsizdik komitetine shaǵymdanýǵa bolady. Biz sol orynǵa baryp, tekserý sharalaryn júrgizemiz. Kepildik boiynsha qazir birinshi kezeńde senimge ie bolǵan ekinshi deńgeidegi bankterdiń sany shekteýli, bul másele pysyqtalýda. Biz memlekettik qyzmettiń turǵyndarǵa barynsha yńǵaily jerde kórsetilgenin qalaimyz, sondyqtan osy jolda biznestiń qalyptasýyna múmkindik beremiz», - dedi Baǵdat Mýsin.
