قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين ەكٸنشٸ دەڭگەيلٸ بانكتەردەگٸ قازاقستاندىقتاردىڭ جەكە دەرەكتەرٸ قالاي قورعالعانىن ايتىپ بەردٸ, دەپ حابارلايدى "ۇلت اقپارات".
«كەشە Kaspi بانكٸندە تەحنيكالىق اقاۋلار بولدى. ونداعى جەكە دەرەكتەردٸڭ قولدى بولماۋىنا مەملەكەت كەپٸلدٸك بەرە الا ما? سول دەرەكتەردٸ بانكتەر كليەنت تارتۋعا پايدالانىپ كەتپەي مە? قاۋٸپسٸزدٸك مەسەلەسٸ قالاي شەشٸلگەن?», - دەپ سۇراق قويدى تٸلشٸ ورتالىق كوممۋنيكاتسييالار قىزمەتٸندە ٶتكەن بريفينگتە.
مينيستر مەملەكەتتٸك قىزمەت كٶرسەتۋ بارىسىندا الىنعان جەكە دەرەكتەردٸ زاڭسىز پايدالانعانى ٷشٸن بانكتەردٸڭ زاڭدى جاۋاپقا تارتىلاتىنى تۋرالى كەلٸسٸمدەرگە قول قويىلعانىن ايتتى. بۇل بانكتەردٸڭ بارلىعى اقپاراتتاندىرۋدىڭ اسا ماڭىزدى نىساندارى بولىپ سانالادى. بارلىق ماڭىزدى نىساندار اقپاراتتاندىرۋعا قويىلاتىن بٸرىڭعاي تەحنيكالىق تالاپتاردى ساقتاۋى تيٸس.
«ەگەر قانداي دا بٸر جشس نەمەسە كەسٸپورىن جەكە دەرەكتەردٸ تەرٸس پايدالانۋ كٷدٸگٸنە ٸلٸنسە, اقپاراتتىق قاۋٸپسٸزدٸك كوميتەتٸنە شاعىمدانۋعا بولادى. بٸز سول ورىنعا بارىپ, تەكسەرۋ شارالارىن جٷرگٸزەمٸز. كەپٸلدٸك بويىنشا قازٸر بٸرٸنشٸ كەزەڭدە سەنٸمگە يە بولعان ەكٸنشٸ دەڭگەيدەگٸ بانكتەردٸڭ سانى شەكتەۋلٸ, بۇل مەسەلە پىسىقتالۋدا. بٸز مەملەكەتتٸك قىزمەتتٸڭ تۇرعىندارعا بارىنشا ىڭعايلى جەردە كٶرسەتٸلگەنٸن قالايمىز, سوندىقتان وسى جولدا بيزنەستٸڭ قالىپتاسۋىنا مٷمكٸندٸك بەرەمٸز», - دەدٸ باعدات مۋسين.
