.jpg)
Foto: Gov.kz
2025 jylǵy 1 qazanda Májilis kýlýarynda Qazaqstannyń Atom energetikasy jónindegi agenttiginiń tóraǵasy Almasadam Sátqaliev elimizde AES salýǵa arnalǵan ekinshi yqtimal alań anyqtalǵanyn málimdedi, dep habarlaidy Ult.kz.
Almasadam Sátqalievtiń aitýynsha, ekinshi atom elektr stantsiiasyn salý úshin Almaty oblysyndaǵy Jambyl aýdany tańdalǵan.
"Ekinshi stantsiia da eldiń ońtústiginde salynady, óitkeni bul óńirde elektr energiiasynyń tapshylyǵy baiqalady. Qazir ol jaqqa energiia soltústikten ońtústikke tranzit arqyly jetkizilip otyr. AES salý – elektrmen jabdyqtaýdyń senimdiligin arttyrady. Biz bul baǵytta barlyq múddeli taraptarmen jáne konkýrstyń qatysýshylarymen kelissózder júrgizip jatyrmyz. Qytailyq CNNC kompaniiasynyń paidasyna áli túpkilikti sheshim qabyldanǵan joq. Biraq birinshi stantsiiany salý boiynsha usynystar negizinde bul kompaniiany basym merdiger retinde qarastyryp otyrmyz", – dedi agenttik tóraǵasy.
Onyń aitýynsha, merdigerlerdiń jumysyna, tehnikalyq sheshimderge jáne qazaqstandyqtardyń belgili bir jetkizýshige degen kózqarasyna qatysty barlyq máseleler tolyq eskeriletin bolady. Qazirgi ýaqytta bul jóninde Qazaqstan Úkimeti túpkilikti sheshim qabyldaǵan joq.
Sondai-aq ol Almaty oblysynda eki AES salý josparlanyp otyrǵanyn rastady. Birinshi nysan – Úlken aýmaǵynda bolýy múmkin, alaida bul másele áli zerttelý ústinde. Ekinshi nysan – MAGATE standarttaryna sai tańdalady jáne ol da Balqash jaǵalaýynda ornalasatyn bolady.
