ەكٸنشٸ اەس-تە الماتى وبلىسىندا سالىنۋى مٷمكٸن

فوتو: Gov.kz

2025 جىلعى 1 قازاندا مەجٸلٸس كۋلۋارىندا قازاقستاننىڭ اتوم ەنەرگەتيكاسى جٶنٸندەگٸ اگەنتتٸگٸنٸڭ تٶراعاسى الماسادام سەتقاليەۆ ەلٸمٸزدە اەس سالۋعا ارنالعان ەكٸنشٸ ىقتيمال الاڭ انىقتالعانىن مەلٸمدەدٸ, دەپ حابارلايدى Ult.kz.

الماسادام سەتقاليەۆتٸڭ ايتۋىنشا, ەكٸنشٸ اتوم ەلەكتر ستانتسيياسىن سالۋ ٷشٸن الماتى وبلىسىنداعى جامبىل اۋدانى تاڭدالعان. 

"ەكٸنشٸ ستانتسييا دا ەلدٸڭ وڭتٷستٸگٸندە سالىنادى, ٶيتكەنٸ بۇل ٶڭٸردە ەلەكتر ەنەرگيياسىنىڭ تاپشىلىعى بايقالادى. قازٸر ول جاققا ەنەرگييا سولتٷستٸكتەن وڭتٷستٸككە ترانزيت ارقىلى جەتكٸزٸلٸپ وتىر. اەس سالۋ – ەلەكترمەن جابدىقتاۋدىڭ سەنٸمدٸلٸگٸن ارتتىرادى. بٸز بۇل باعىتتا بارلىق مٷددەلٸ تاراپتارمەن جەنە كونكۋرستىڭ قاتىسۋشىلارىمەن كەلٸسسٶزدەر جٷرگٸزٸپ جاتىرمىز. قىتايلىق CNNC كومپانيياسىنىڭ پايداسىنا ەلٸ تٷپكٸلٸكتٸ شەشٸم قابىلدانعان جوق. بٸراق بٸرٸنشٸ ستانتسييانى سالۋ بويىنشا ۇسىنىستار نەگٸزٸندە بۇل كومپانييانى باسىم مەردٸگەر رەتٸندە قاراستىرىپ وتىرمىز", – دەدٸ اگەنتتٸك تٶراعاسى.

ونىڭ ايتۋىنشا, مەردٸگەرلەردٸڭ جۇمىسىنا, تەحنيكالىق شەشٸمدەرگە جەنە قازاقستاندىقتاردىڭ بەلگٸلٸ بٸر جەتكٸزۋشٸگە دەگەن كٶزقاراسىنا قاتىستى بارلىق مەسەلەلەر تولىق ەسكەرٸلەتٸن بولادى. قازٸرگٸ ۋاقىتتا بۇل جٶنٸندە قازاقستان ٷكٸمەتٸ تٷپكٸلٸكتٸ شەشٸم قابىلداعان جوق.

سونداي-اق ول الماتى وبلىسىندا ەكٸ اەس سالۋ جوسپارلانىپ وتىرعانىن راستادى. بٸرٸنشٸ نىسان – ٷلكەن اۋماعىندا بولۋى مٷمكٸن, الايدا بۇل مەسەلە ەلٸ زەرتتەلۋ ٷستٸندە. ەكٸنشٸ نىسان – ماگاتە ستاندارتتارىنا ساي تاڭدالادى جەنە ول دا بالقاش جاعالاۋىندا ورنالاساتىن بولادى.