Balalardyń ata-anasy kinásin tolyq moiyndap, ókinip, túzelýge ýáde bergen.
"ÁQBtK-niń 127-baby 1-bóliginiń sanktsiiasy 10 ailyq eseptik kórsetkish mólsherinde ákimshilik aiyppul túrindegi jazany kózdeidi. Sot ata-anasyna aiyppul saldy. Olardyń materialdyq jaǵdaiy men aliment tóleitinin eskerip, aiyppul 30 paiyzǵa deiin qysqartyldy", - dedi baspasóz qyzmeti ókili.
Sonymen qatar, sot iývenaldy politsiia tobynyń inspektory ákimshilik hattama jasaý kezinde jibergen zańbuzýshylyqtar úshin aimaqtyq Politsiia departamentiniń basshylyǵyna jeke qaýly shyǵardy. Aita keteiik, sot qaýlysy zańdy kúshine engen joq.
Kámeletke tolmaǵandardyń isi jónindegi komissiia anasyn ata-ana quqyǵynan aiyrmaý týraly sheshim shyǵardy. Áiel balalarymen birge aýrýhanada jatyr, onda balalar keshendi tekseristen ótedi. Dárigerlerdiń aitýynsha, balalarǵa anasy kútim jasap jatyr.
"Balalar sóilei bastady, suraqtarǵa jaýap beredi, oinaidy. Ana men bala ǵylymi ortalyǵynyń mamandary telemeditsina seansyn ótkizdi. Qazir qosymsha rentgenologiia jáne zerthana tekserisi júrgizilip jatyr, qan úlgileri genetikalyq taldaýǵa jiberildi. Genetikalyq tekserý nátijelerin alǵannan keiin túpkilikti diagnoz qoia alamyz", - dep túsindirdi aimaqtyń densaýlyq saqtaý basqarmasynyń baspasóz qyzmeti ókili.
Eske salaiyq, buǵan deiin Ekibastuzdaǵy jaldamaly páterden 3, 4, 5 jáne 7 jastaǵy tórt bala tabylǵany habarlanǵan bolatyn. Balalar ata-analarymen birge antisanitariia jaǵdaiynda ómir súrip kelgen. Úidegi úlken bala jeti jasta, qalǵandary bes, tórt jáne úshte. Balalar júre almaidy, adamdardan qorqady.
