بالالاردىڭ اتا-اناسى كٸنەسٸن تولىق مويىنداپ, ٶكٸنٸپ, تٷزەلۋگە ۋەدە بەرگەن.
"ەقبتك-نٸڭ 127-بابى 1-بٶلٸگٸنٸڭ سانكتسيياسى 10 ايلىق ەسەپتٸك كٶرسەتكٸش مٶلشەرٸندە ەكٸمشٸلٸك ايىپپۇل تٷرٸندەگٸ جازانى كٶزدەيدٸ. سوت اتا-اناسىنا ايىپپۇل سالدى. ولاردىڭ ماتەريالدىق جاعدايى مەن اليمەنت تٶلەيتٸنٸن ەسكەرٸپ, ايىپپۇل 30 پايىزعا دەيٸن قىسقارتىلدى", - دەدٸ باسپاسٶز قىزمەتٸ ٶكٸلٸ.
سونىمەن قاتار, سوت يۋۆەنالدى پوليتسييا توبىنىڭ ينسپەكتورى ەكٸمشٸلٸك حاتتاما جاساۋ كەزٸندە جٸبەرگەن زاڭبۇزۋشىلىقتار ٷشٸن ايماقتىق پوليتسييا دەپارتامەنتٸنٸڭ باسشىلىعىنا جەكە قاۋلى شىعاردى. ايتا كەتەيٸك, سوت قاۋلىسى زاڭدى كٷشٸنە ەنگەن جوق.
كەمەلەتكە تولماعانداردىڭ ٸسٸ جٶنٸندەگٸ كوميسسييا اناسىن اتا-انا قۇقىعىنان ايىرماۋ تۋرالى شەشٸم شىعاردى. ەيەل بالالارىمەن بٸرگە اۋرۋحانادا جاتىر, وندا بالالار كەشەندٸ تەكسەرٸستەن ٶتەدٸ. دەرٸگەرلەردٸڭ ايتۋىنشا, بالالارعا اناسى كٷتٸم جاساپ جاتىر.
"بالالار سٶيلەي باستادى, سۇراقتارعا جاۋاپ بەرەدٸ, وينايدى. انا مەن بالا عىلىمي ورتالىعىنىڭ ماماندارى تەلەمەديتسينا سەانسىن ٶتكٸزدٸ. قازٸر قوسىمشا رەنتگەنولوگييا جەنە زەرتحانا تەكسەرٸسٸ جٷرگٸزٸلٸپ جاتىر, قان ٷلگٸلەرٸ گەنەتيكالىق تالداۋعا جٸبەرٸلدٸ. گەنەتيكالىق تەكسەرۋ نەتيجەلەرٸن العاننان كەيٸن تٷپكٸلٸكتٸ دياگنوز قويا الامىز", - دەپ تٷسٸندٸردٸ ايماقتىڭ دەنساۋلىق ساقتاۋ باسقارماسىنىڭ باسپاسٶز قىزمەتٸ ٶكٸلٸ.
ەسكە سالايىق, بۇعان دەيٸن ەكٸباستۇزداعى جالدامالى پەتەردەن 3, 4, 5 جەنە 7 جاستاعى تٶرت بالا تابىلعانى حابارلانعان بولاتىن. بالالار اتا-انالارىمەن بٸرگە انتيسانيتارييا جاعدايىندا ٶمٸر سٷرٸپ كەلگەن. ٷيدەگٸ ٷلكەن بالا جەتٸ جاستا, قالعاندارى بەس, تٶرت جەنە ٷشتە. بالالار جٷرە المايدى, ادامداردان قورقادى.
