Ekibastuzda zeinetker óz páterinde kóz jumdy. Mamandar er adamnyń denesinen zorlyq-zombylyq belgilerin tappady, dep habarlaidy Pavlodarnews.kz portaly.
Ekibastuz qalasy ákimdiginiń baspasóz qyzmeti qaladaǵy páterlerdiń birinde er adamnyń úsip qaitys bolǵany týraly WhatsApp jelisindegi habarlamanyń shyndyqqa janaspaitynyn málimdedi. Baspasóz qyzmeti shynymen de úilerdiń birinde zeinetkerdiń qaitys bolǵanyn, biraq oǵan páterdiń sýyq bolýy sebep bolmaǵanyn túsindirdi.
Tártip saqshylarynyń málimetinshe, zeinetker kózi tirisinde qan qysymynan zardap shekken.
Jedel járdem stantsiiasyna saǵat 17:32-de Ekibastuz qalasyndaǵy páterlerdiń birinde er adamnyń esinen tanyp qalǵany týraly aqparat túsken.
- Meditsinalyq qyzmetkerler 8 minýtta jetti. Oqiǵa ornynda dárigerler 70 jastaǵy er adamnyń kóz jumǵanyn anyqtady. Eshqandai úsik belgileri baiqalmady, - dedi stantsiianyń baspasóz qyzmeti.
Saǵat 17:50-de páterge politsiia shaqyrylǵan. Er adam kóz jumǵan kezde onyń jubaiy qasynda bolǵan. Politseiler er adamnyń denesinde zorlyq-zombylyq belgileri joq ekenin atap ótti.
Ekibastuz turǵyndaryn tek resmi aqparat kózderine senýge shaqyryp, jalǵan aqparat taratqany úshin jaýapkershilik júkteletinin eskertti.
