ەكٸباستۇزدا زەينەتكەر ٶز پەتەرٸندە كٶز جۇمدى. ماماندار ەر ادامنىڭ دەنەسٸنەن زورلىق-زومبىلىق بەلگٸلەرٸن تاپپادى, دەپ حابارلايدى Pavlodarnews.kz پورتالى.
ەكٸباستۇز قالاسى ەكٸمدٸگٸنٸڭ باسپاسٶز قىزمەتٸ قالاداعى پەتەرلەردٸڭ بٸرٸندە ەر ادامنىڭ ٷسٸپ قايتىس بولعانى تۋرالى WhatsApp جەلٸسٸندەگٸ حابارلامانىڭ شىندىققا جاناسپايتىنىن مەلٸمدەدٸ. باسپاسٶز قىزمەتٸ شىنىمەن دە ٷيلەردٸڭ بٸرٸندە زەينەتكەردٸڭ قايتىس بولعانىن, بٸراق وعان پەتەردٸڭ سۋىق بولۋى سەبەپ بولماعانىن تٷسٸندٸردٸ.
تەرتٸپ ساقشىلارىنىڭ مەلٸمەتٸنشە, زەينەتكەر كٶزٸ تٸرٸسٸندە قان قىسىمىنان زارداپ شەككەن.
جەدەل جەردەم ستانتسيياسىنا ساعات 17:32-دە ەكٸباستۇز قالاسىنداعى پەتەرلەردٸڭ بٸرٸندە ەر ادامنىڭ ەسٸنەن تانىپ قالعانى تۋرالى اقپارات تٷسكەن.
- مەديتسينالىق قىزمەتكەرلەر 8 مينۋتتا جەتتٸ. وقيعا ورنىندا دەرٸگەرلەر 70 جاستاعى ەر ادامنىڭ كٶز جۇمعانىن انىقتادى. ەشقانداي ٷسٸك بەلگٸلەرٸ بايقالمادى, - دەدٸ ستانتسييانىڭ باسپاسٶز قىزمەتٸ.
ساعات 17:50-دە پەتەرگە پوليتسييا شاقىرىلعان. ەر ادام كٶز جۇمعان كەزدە ونىڭ جۇبايى قاسىندا بولعان. پوليتسەيلەر ەر ادامنىڭ دەنەسٸندە زورلىق-زومبىلىق بەلگٸلەرٸ جوق ەكەنٸن اتاپ ٶتتٸ.
ەكٸباستۇز تۇرعىندارىن تەك رەسمي اقپارات كٶزدەرٸنە سەنۋگە شاقىرىپ, جالعان اقپارات تاراتقانى ٷشٸن جاۋاپكەرشٸلٸك جٷكتەلەتٸنٸن ەسكەرتتٸ.
