Ekibastuz qalasynda turǵyn úidiń aýlasynda jeńil avtokólik alty jastaǵy balany qaǵyp, saldarynan bala qaza tapty. Jol-kólik oqiǵasy bolǵanyn Pavlodar oblysynyń Politsiia departamenti rastady, dep habarlaidy ult.kz.
Politsiianyń málimetinshe, kámeletke tolmaǵan balanyń ólimine ákep soqqan jol-kólik oqiǵasy boiynsha qylmystyq is qozǵaldy. Qazir oqiǵanyń barlyq mán-jaiy men sebepteri tergeý barysynda anyqtalyp jatyr.
Politsiia departamenti mundai qaiǵyly jaǵdailardyń aldyn alý úshin jol qozǵalysyna qatysýshylardyń jol qozǵalysy erejelerin jáne belgilengen jyldamdyq rejimin qatań saqtaýy mańyzdy ekenin eske saldy. Ásirese kólik qozǵalysy qarqyndy ýchaskelerde júrgizýshiler asa muqiiat bolýy qajet.
Qaza bolǵan balanyń týystarynyń aitýynsha, jol-kólik oqiǵasy 19 qyrkúiek kúni saǵat 18:30 shamasynda bolǵan. Olardyń málimetinshe, kólikti qyz bala júrgizgen. Ol aýlada kóliktiń jyldamdyǵyn báseńdetýge arnalǵan «jasandy jol kedergisi» bolǵanyna qaramastan, joǵary jyldamdyqpen qozǵalǵan.
Qazirgi ýaqytta kólik júrgizgen qyz ustalǵan. Oqiǵaǵa qatysty tergeý júrgizilip jatyr. Politsiia jol-kólik oqiǵasynyń naqty sebepteri men barlyq mán-jaiy tergeý nátijesinde anyqtalatynyn habarlady.
