Dárigerlerdiń kúsh-jigeriniń arqasynda qyz aman qaldy, biraq qazir oǵan plastikalyq ota jasap, uzaq ýaqyt ońaltý qajet, sebebi balanyń beti qatty zaqymdanǵan.
Bul oqiǵa 2021 jyldyń 25 qarashasynda bolǵan. Alaida, qyzdyń ata-anasy júrgizýshi de, tasymaldaýshy kásiporyn da áli kómek kórsetpegenin, keshirim suramaǵanyn aitady. "Jolaman-Ek" JShS basshylyǵy júrgizýshiniń qoǵamdyq kólikti qalai júrgizgeni jáne mundai jaǵdailarǵa jol bermeý boiynsha qandai sharalar qabyldanyp jatqany týraly suraqtarǵa túsinikteme bergen joq. Kásiporyn Ekibastuzda jolaýshylar tasymalyn júzege asyrýdy jalǵastyryp jatyr.
"Kámeletke tolmaǵan qyzym aýyr jaraqat aldy, bas súiegine operatsiia jasaldy. Áli biraz operatsiia qajet bolady, alǵan jaraqattary saldarynan sol jaq samai aimaǵyna plastinalardy ornatý qajet. Osy ýaqytqa deiin bizden eshkim keshirim suramady. Men kólik kompaniiasynyń basshylyǵyna emdelýge, ońaltýǵa jáne operatsiiaǵa ketken shyǵyndy óteý máselesimen júgindim. Biraq, bul másele boiynsha kinálige habarlasý kerektigin aityp, ótinishim qaraýsyz qaldy", - dedi jábirlenýshiniń ákesi Rýslan Baijanov.
Qyzdyń ákesi stress saldarynan búginde - múgedek. Qyzynyń emine ózi tólei almaidy.
Rýslan Baijanovtyń senimdi ókili Tereza Abramova "Avtomobil kóligi týraly" QR Zańynyń 22-babynyń 2-tarmaǵyna sáikes "jolaýshylar men bagajdy avtomobilmen turaqty tasymaldaýdy júzege asyratyn tasymaldaýshy: reis aldynda jáne reisten keiin meditsinalyq tekserý júrgizýdi qamtamasyz etýge mindetti. Sondai-aq, ol Qazaqstan Respýblikasy Azamattyq kodeksiniń 931-babyna sáikes qyzmeti ainaladaǵylar úshin joǵary qaýiptilikpen bailanysty zańdy tulǵalar men azamattar joǵary qaýiptilik kózinen keltirilgen ziiandy menshik quqyǵynda, sharýashylyq júrgizý quqyǵynda nemese jedel basqarý quqyǵynda ne basqa da zańdy negizde óteýge mindetti ekenin atap ótti.
"Jergilikti atqarýshy organ tasymaldaýdy uiymdastyrýshy retinde ol uiymǵa eshqandai shara qoldanbaǵan. Sonymen birge, avtomobil kóligimen jolaýshylar men bagajdy tasymaldaý qaǵidalarynyń 196-tarmaǵynyń 5 tarmaqshasyna sáikes, "Jol júkti tasymaldaýdy uiymdastyrýshy" tasymaldaýshyǵa qatysty qoldanylý merzimi Avtomobil kóligi salasyndaǵy ýákiletti organ jáne jergilikti atqarýshy organdar bergen kýálikterdiń kúshin tasymaldaýshynyń kinásinen adam qaza bolǵan jazataiym oqiǵalar kezinde osy organ jaýap beredi. Eger kompaniia óz avtobýstarynyń júrgizýshileri úshin jaýapty bolmasa, olardyń reiske attanar aldynda jaǵdaiyn baqylamasa, jolaýshylardyń jáne basqalardyń qaýipsizdiginiń qandai ekendigi týraly aitýǵa bolady", - dep ashýlandy Tereza Abramova.
Qazir bul isti Ekibastuz qalalyq soty qarap jatyr.
