Foto: Kazinform
Arheologtar «Bogatyr» kómir kenishinen Azamattyq soǵys kezeńindegi majar áskeri tutqyndarynyń jerlengen oryndaryn tapty — aldyn ala málimetter boiynsha, tutqyndar 1918 jyly jerlengen, dep habarlaidy Ult.kz Kazinform HAA silteme jasap.
Olar Ekibastuzǵa májbúrli eńbekke jiberilgen jáne shahtalarda qaza tapqan.
Bul jerde 30-ǵa jýyq qabir bar, keibiriniń betinde oqylatyn jazýlar saqtalǵan. Kómir óndirý ýaqytsha toqtatylyp, tarihi mańyzdylyǵyn saqtaý úshin sharalar qabyldandy. Arheologtar Vengriia elshiligimen bailanys ornatyp jatyr.
Foto: Kazinform
Qazaqstandaǵy Vengriia elshisi Býdapesht ózderiniń ǵylymi jáne muraǵattyq institýttaryn qaza tapqandardyń aty-jónderin anyqtap, múmkin bolsa, olardyń urpaqtaryn tabýǵa jumyldyrǵanyn málimdedi.
Bul Qazaqstan aýmaǵynda Avstro-Vengriia imperiiasynyń qulaý kezeńindegi majar tutqyndaryna qatysty tabylǵan alǵashqy osyndai jańalyq.
