Ekibastuz qalasynyń ákimi Aian Beisekin jylý elektr ortalyǵyndaǵy apattan zardap shekken ekibastuzdyqtardyń shyǵyny qalai óteletinin aitty, - dep habarlaidy Tengrinews.kz agenttigi.
Qala ákimi óz qarajaty esebinen úilerinde jumys júrgizgen turǵyndardan atqarylǵan jumystarǵa tólem jasalǵany týraly fiskaldyq túbirtekti saqtaýdy surady.
"Qalada 12 jylý pýnkti bar, onyń jeteýi ótinish qabyldaidy. Ótinish erkin formada jazylyp, naqty jaǵdailar men keltirilgen zalal úshin qajetti ótemaqy somasy kórsetilýi tiis.
Eger jóndeý jumysyn óz betterińizben júrgizgen bolsańyzdar, onda barlyq qajet fiskaldyq túbirtek usynylýy kerek. Artynsha arnaiy komissiia tekserý júrgizip, úsh kúnniń ishinde shyǵyn óteledi", - dedi Ekibastuz qalasynyń ákimi.
Pavlodar oblysy ákiminiń mindetin atqarýshy Oleg Krýg shyǵyndy esepteý áli bastalmaǵanyn aitty.
"Qazir biz apattyq-qalpyna keltirý jumystaryn júrgizip jatyrmyz. Jumysty aiaqtaǵannan keiin komissiia jumysyn bastaidy. Qazirdiń ózinde eki myńnan astam ótinish kelip tústi", - dep túsindirdi ol.
Ekibastuz ákimi barlyq jóndeý jumysy aiaqtalǵan soń qaladaǵy tótenshe jaǵdai alynyp tastalatynyn aitty.
