ەكٸباستۇز قالاسىنىڭ ەكٸمٸ ايان بەيسەكين جىلۋ ەلەكتر ورتالىعىنداعى اپاتتان زارداپ شەككەن ەكٸباستۇزدىقتاردىڭ شىعىنى قالاي ٶتەلەتٸنٸن ايتتى, - دەپ حابارلايدى Tengrinews.kz اگەنتتٸگٸ.
قالا ەكٸمٸ ٶز قاراجاتى ەسەبٸنەن ٷيلەرٸندە جۇمىس جٷرگٸزگەن تۇرعىنداردان اتقارىلعان جۇمىستارعا تٶلەم جاسالعانى تۋرالى فيسكالدىق تٷبٸرتەكتٸ ساقتاۋدى سۇرادى.
"قالادا 12 جىلۋ پۋنكتٸ بار, ونىڭ جەتەۋٸ ٶتٸنٸش قابىلدايدى. ٶتٸنٸش ەركٸن فورمادا جازىلىپ, ناقتى جاعدايلار مەن كەلتٸرٸلگەن زالال ٷشٸن قاجەتتٸ ٶتەماقى سوماسى كٶرسەتٸلۋٸ تيٸس.
ەگەر جٶندەۋ جۇمىسىن ٶز بەتتەرٸڭٸزبەن جٷرگٸزگەن بولساڭىزدار, وندا بارلىق قاجەت فيسكالدىق تٷبٸرتەك ۇسىنىلۋى كەرەك. ارتىنشا ارنايى كوميسسييا تەكسەرۋ جٷرگٸزٸپ, ٷش كٷننٸڭ ٸشٸندە شىعىن ٶتەلەدٸ", - دەدٸ ەكٸباستۇز قالاسىنىڭ ەكٸمٸ.
پاۆلودار وبلىسى ەكٸمٸنٸڭ مٸندەتٸن اتقارۋشى ولەگ كرۋگ شىعىندى ەسەپتەۋ ەلٸ باستالماعانىن ايتتى.
"قازٸر بٸز اپاتتىق-قالپىنا كەلتٸرۋ جۇمىستارىن جٷرگٸزٸپ جاتىرمىز. جۇمىستى اياقتاعاننان كەيٸن كوميسسييا جۇمىسىن باستايدى. قازٸردٸڭ ٶزٸندە ەكٸ مىڭنان استام ٶتٸنٸش كەلٸپ تٷستٸ", - دەپ تٷسٸندٸردٸ ول.
ەكٸباستۇز ەكٸمٸ بارلىق جٶندەۋ جۇمىسى اياقتالعان سوڭ قالاداعى تٶتەنشە جاعداي الىنىپ تاستالاتىنىن ايتتى.
