Ekibastuz ákimi Ardaq Qańtarbaev para aldy degen kúdikke ilingen burynǵy orynbasarynyń kinási dáleldense, otstavkaǵa ketýge daiyn. Bul týraly qala basshysy brifing barysynda aitty, - dep habarlaidy "Ult aqparat" Massaget.kz portalyna silteme jasap.
Otstavka týraly másele joq jerden kóterilmegen. Jaqynda áleýmettik jelide burynǵy orynbasaryna qatysty úkim kúshine enetini týraly aqparat shyqqandyqtan otstavkaǵa ketýi qajet degen jazba paida bolǵan edi.
"Zań boiynsha meniń orynbasaryma qatysty sot úkimi zańdy kúshine engennen keiin, árine, men otstavkaǵa ketýim kerek. Al meniń otstavkaǵa ketýim ne ketpeýim týraly sheshimdi basshylyq qabyldaidy. Qandai jaǵdai bolsa da osy algoritm. Eger basshylyq meni otstavkaǵa ketsin dep sheshse, árine, ketemin", - dedi Qańtarbaev.
Brifing barysynda jýrnalister eks-orynbasar qala ákimi bul qyzmetine kelgenge deiin istegendikten otstavkaǵa ketýi qanshalyq durys ekenin surady.
"Iá, ol maǵan deiin jumys istegen. Biraq másele ol meniń qolastymda jumys istegeninde. Eger úkim zańdy kúshine ense otstavkaǵa ketemin", - dep túsindirdi Qańtarbaev.
