Shyǵys Qazaqstan oblysynyń Shemonaiha qalasynda tanysyn eki jyl boiy qorqytyp, aqsha men múlkin iemdenip kelgen degen kúdikke ilingen 39 jastaǵy er adam qamaýǵa alyndy, dep habarlaidy ult.kz.
Politsiianyń málimetinshe, kúdikti 2023 jyldan beri jábirlenýshini kúsh qoldanamyn dep qorqytyp, odan únemi aqsha talap etken. Aldyn ala esep boiynsha keltirilgen materialdyq shyǵyn kólemi shamamen 2,5 million teńgeni quraidy.
Tergeý barysynda kúdiktiniń jábirlenýshiden Volkswagen Passat avtokóligin satýdy talap etkeni anyqtalǵan. Kólikke qatysty mámile júzege aspaǵannan keiin ol tanysynan 1 million teńge berýdi talap etken.
Zańsyz áreketter saldarynan jábirlenýshi qomaqty qarajatynan jáne múlkinen aiyrylǵan.
Qazirgi ýaqytta kúdikti qamaýǵa alyndy. Atalǵan derek boiynsha sotqa deiingi tergep-tekserý amaldary júrgizilip jatyr.
